നിയന്ത്രണം വിട്ട് കാര്‍ വീടിന് മുമ്പില്‍ നിര്‍ത്തിയിട്ടിയിരുന്ന കാറില്‍ ഇടിച്ച്‌ അപകടം: പിന്നാലെ തീ ആളിപ്പടര്‍ന്നു, കാർ പൂർണമായും കത്തി, ഒഴിവായത് വൻ ദുരന്തം,

ആലപ്പുഴ: നിയന്ത്രണം വിട്ടുവന്ന കാര്‍ മറ്റൊരു കാറില്‍ ഇടിച്ച്‌ തീ പടര്‍ന്നു. ചെങ്ങന്നൂരില്‍ ഇന്നലെ വൈകിട്ടോടെയാണ് വലിയ അപകടമുണ്ടായത്.

റോഡിലൂടെ വരുകയായിരുന്ന കാര്‍ നിയന്ത്രണം വിട്ട് റോഡരികിലെ വീടിന് മുമ്പില്‍ നിര്‍ത്തിയിട്ടിരുന്ന കാറില്‍ ഇടിച്ചു. ഇതോടെ ഇടിച്ച കാറില്‍ നിന്ന് തീയും പുകയും ഉയരുകയായിരുന്നു.  കാര്‍ ഓടിച്ചിരുന്നയാള്‍ ഓടി രക്ഷപ്പെട്ടു.

ഉടൻ തന്നെ തീ ആളിപ്പടരുകയായിരുന്നു. പിന്നീട് ഫയര്‍ഫോഴ്സെത്തിയാണ് തീ അണച്ചത്. തീപിടിച്ച്‌ കാര്‍ പൂര്‍ണമായും കത്തിനശിച്ചു. 

വീട്ടില്‍ നിര്‍ത്തിയിട്ടിരുന്ന കാറിലേക്ക് തീ പടരാത്തതിനാല്‍ വലിയ ദുരന്തമാണ് ഒഴിവായത്. ഈ കാറിന് തീപിടിച്ചിരുന്നെങ്കില്‍ വീട്ടിലേക്കും തീ പടരാനുള്ള സാധ്യതയും ഉണ്ടായിരുന്നു. അപകടത്തിന്‍റെ കാരണം വ്യക്തമല്ല.