ആലപ്പുഴ: പക്ഷിപ്പനി വ്യാപനം തടയാന് നാലു ജില്ലകളില് നാലു മാസം വളര്ത്തുപക്ഷികളുടെ കടത്തലും വിരിയിക്കലും നിരോധിച്ച് സര്ക്കാര് ഉത്തരവിറങ്ങി.
.jpeg)
പ്രഭവകേന്ദ്രത്തിന് ഒരുകിലോമീറ്റര് ചുറ്റളവ് രോഗബാധിത മേഖലയും 10 കിലോമീറ്റര് നിരീക്ഷണ മേഖലയുമായാണ് കണക്കാക്കുന്നത്. സംസ്ഥാനത്ത് 38 പ്രഭവകേന്ദ്രങ്ങളാണുള്ളത്. ആലപ്പുഴ ജില്ലയില് പൂര്ണമായും കോട്ടയം ജില്ലയിലെ വൈക്കം, ചങ്ങനാശ്ശേരി, കോട്ടയം താലൂക്കുകള്, പത്തനംതിട്ട ജില്ലയില്
തിരുവല്ല താലൂക്ക്, പള്ളിക്കല്, തുമ്പമണ് പഞ്ചായത്തുകള്, പന്തളം, അടൂര് നഗരസഭകള്, ആറന്മുള, കോഴഞ്ചേരി, കുളനട, മല്ലപ്പുഴശ്ശേരി, മെഴുവേലി, കല്ലൂപ്പാറ, കുന്നന്താനം, മല്ലപ്പള്ളി, പുറമറ്റം പഞ്ചായത്തുകള്, എറണാകുളം ജില്ലയിലെ ആമ്പല്ലൂര്, ഉദയംപേരൂര്, എടയ്ക്കാട്ടുവയല്, ചെല്ലാനം പഞ്ചായത്തുകള് എന്നിവയാണ് നിരോധനം ബാധകമായ സ്ഥലങ്ങള്.
നിലവിലെ ഹാച്ചറികളിലുള്ള മുട്ടകള് ശാസ്ത്രീയമായി നശിപ്പിക്കണം. അതിന് മുട്ടയൊന്നിന് (കോഴി, താറാവ്) അഞ്ചുരൂപ നഷ്ടപരിഹാരം നല്കണം. ഹാച്ചറികളില് മുട്ട വിരിയിക്കാനും പാടില്ല. പക്ഷികളില്ലാത്ത ഹാച്ചറികള് അടച്ചിടണം.
സെപ്റ്റംബര് രണ്ട് മുതല് ഉത്തരവ് പ്രാബല്യത്തിലായി. രോഗം ആവര്ത്തിക്കുന്നത് തടയാന് കേന്ദ്രസര്ക്കാര് നല്കിയ നിര്ദേശവും സംസ്ഥാന സമിതിയുടെ കണ്ടെത്തലും പരിഗണിച്ചാണ് പുതിയ വിജ്ഞാപനം
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.