ഐ എ എസ് തലപ്പത്ത് അഴിച്ചുപണി; കെ എഫ് സിയുടെ ചുമതല ശ്രീറാം വെങ്കിട്ടരാമന്

തിരുവനന്തപുരം: ചീഫ് സെക്രട്ടറി സ്ഥാനത്തുനിന്ന് ഡോ.വി.വേണു വിരമിച്ചതിനു പിന്നാലെ സംസ്ഥാനത്തെ ഐ.എ.എസ് തലപ്പത്ത് മാറ്റം.

ആഭ്യന്തര വകുപ്പ് സെക്രട്ടറി ബിശ്വനാഥ് സിന്ഹയ്ക്കു ജലവകുപ്പിൻ്റെ അധിക ചുമതല നൽകി. വീണ എൻ.മാധവനു ഭരണ നവീകരണ വകുപ്പിൻറെയും കെ.ഗോപാലകൃഷ്ണനു വ്യവസായ വകുപ്പ് ഡയറക്ടറുടെയും അധിക ചുമതല നൽകി

വാട്ടർ അതോറിറ്റിയുടെ പുതിയ എൻഡി ജീവൻ ബാബുവാണ്. ശ്രീറാം വെങ്കിട്ടരാമനു കേരള ഫിനാൻഷ്യൽ കോർപ്പറേഷൻ്റെ (കെഎഫ്‌സി) പൂർണ അധിക ചുമതലയും നൽകി. കേരളത്തിൻ്റെ പുതിയ ചീഫ് സെക്രട്ടറിയായി ശാരദ മുരളീധരനെ നേരത്തെ തീരുമാനിച്ചിരുന്നു. ഭർത്താവ് വിരമിച്ച ഒഴിവിൽ ചീഫ് സെക്രട്ടറിയായ ശാരദ മുരളീധരൻ ശനിയാഴ്ച ചുമതലയേൽക്കും.