ജ്വല്ലറിയില്‍ ഉടമയും ഉപഭോക്താവും തമ്മിൽ തർക്കം: തര്‍ക്കത്തിനിടെ തോക്കെടുത്ത് ഉടമ, അന്വേഷണം

ലക്നൗ: ഉത്തർപ്രദേശിലെ ലക്നൗവിലാണ് സംഭവം ഉണ്ടായത് .ഇതിന്റെ സിസിടിവി ദൃശ്യങ്ങള്‍ പുറത്തുവന്നതിന് പിന്നാലെ പോലീസ് അന്വേഷണം ആരംഭിച്ചു .

ജ്വല്ലറി ഉടമ സ്വയരക്ഷ മുൻനിർത്തിയാണ് തോക്കെടുത്തതെന്നാണ് പ്രാഥമിക അന്വേഷണത്തില്‍ തെളിഞ്ഞതെന്ന് പോലീസ് വ്യക്തമാക്കി.അനുഭവ് അഗർവാള്‍ എന്നയാളുടെ ഉടമസ്ഥയിലുള്ള ഒരു ജ്വല്ലറിയിലാണ് നാടകീയ സംഭവങ്ങളുണ്ടായത്. 

ഒരു ഉപഭോക്താവും ജ്വല്ലറി ഉടമയും തമ്മില്‍ രൂക്ഷമായ വാക്കുതർക്കമുണ്ടായി. ഉപഭോക്താവ് അനുഭവ് അഗർവാള്‍ ഇരുന്നിരുന്ന സ്ഥലത്തേക്ക് കയറിവന്നു. തുടർന്നാണ് തർക്കത്തിനിടെ ഇയാള്‍ തോക്കെടുത്തത്. 

ജ്വല്ലറി ഉടമ ഉപഭോക്താവിനോട് ഇറങ്ങിപ്പോകാൻ ആവശ്യപ്പെടുമ്പോള്‍ ഒന്നുകില്‍ തനിക്കൊപ്പം പൊലീസ് സ്റ്റേഷനിലേക്ക് വരണമെന്നും അല്ലെങ്കില്‍ തനിക്ക് നേരെ വെടിവെയ്ക്കാനുമാണ് മറുപടി. 

ലൈസൻസുള്ള തോക്കാണ് അനുഭവ് അഗർവാളിന്റെ കൈവശമുണ്ടായിരുന്നതെന്നും സ്വയരക്ഷ മുൻനിർത്തിയാണ് അത് പുറത്തെടുത്തെന്നും അന്വേഷണത്തില്‍ കണ്ടെത്തിയിട്ടുണ്ടെന്ന് ഈസ്റ്റ് ഡിസിപി ശശാങ്ക് സിങ് പറഞ്ഞു.