ഡബ്ലിൻ: അയര്‍ലണ്ടിലെ ഹിന്ദു മലയാളി കൂട്ടായ്മയായ സത്ഗമയ സത്സംഘിന്റെ ഈ വർഷത്തെ ഓണാഘോഷം സെപ്റ്റംബര്‍ 7 ശനിയാഴ്ച്ച വിപുലമായ പരിപാടികളോടെ നടത്തപ്പെടുന്നു. ഡബ്ലിനിലെ Baldoyle കമ്മ്യൂണിറ്റി ഹാളില്‍ രാവിലെ 9 മണിക്ക് അംഗങ്ങള്‍ ചേര്‍ന്ന് പൂക്കളമൊരുക്കന്നതോടെ കലാപരിപാടികള്‍ ആരംഭിക്കും.
സത്ഗമയ കൂട്ടായ്മയിലെ മുതിർന്ന അംഗങ്ങൾ ഭദ്രദീപം തെളിയിച്ച് “ഓണം പൊന്നോണം-24″ന് തിരശ്ശീല ഉയരും. കേരളത്തനിമയില്‍ പരമ്പരാഗത രീതികൾക്ക് പ്രാമുഖ്യം നല്‍കി അവതരിപ്പിക്കുന്ന ഓണക്കാഴ്ച്ചയും, മോഹിനിയാട്ടം, ഭരതനാട്യം, ചെണ്ടമേളം, മഹാബലിയെ ആനയിക്കല്‍, തിരുവാതിരകളി, സ്കിറ്റ് , ഗാനമേള തുടങ്ങിയ വൈവിധ്യമാര്‍ന്ന പരിപാടികളും തുടര്‍ന്ന് വിഭവസമൃദ്ധമായ സദ്യയും ഉണ്ടായിരിക്കും.
ഉച്ചയ്ക്ക് ശേഷം കുട്ടികള്‍ക്കും മുതിര്‍ന്നവര്‍ക്കുമായി രസകരമായ കായികവിനോദപരിപാടികളും, വടംവലിയും തുടർന്ന് സമ്മാനദാനവും നടത്തപ്പെടും. കുട്ടികളുടെ കലാപരിപാടികൾ നടത്തുവാൻ ആഗ്രഹിക്കുന്നവർ ഓഗസ്റ്റ് 31-ന് മുൻപായി പേരുകൾ രജിസ്റ്റർ ചെയ്യേണ്ടതാണ് .
2010 മുതൽ അയർലണ്ടിൽ പ്രവർത്തിക്കുന്ന സത്ഗമയയുടെ ഓണാഘോഷത്തിൽ പങ്കെടുക്കാനും ഈ കൂട്ടായ്മയിൽ പുതുതായി പങ്കുചേരാനും ആഗ്രഹിക്കുന്നവർ കൂടുതല്‍ വിവരങ്ങള്‍ക്ക് എന്നീ നമ്പരുകളില്‍ ബന്ധപ്പെടുക.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.