ഉറക്കത്തിൽ ഹൃദയാഘാതം: സൗദിയിൽ മലയാളിക്ക് ദാരുണാന്ത്യം,

അബ്ഹ: ഹൃദയാഘാതം മൂലം മലയാളി ഉറക്കത്തില്‍ മരിച്ചു. ആലപ്പുഴ കായംകുളം പെരിങ്ങാല സ്വദേശി രതീഷ് ഭവനില്‍ രാജീവ് സന്ദാനന്ദ ചെട്ടിയാർ (36) ആണ് ഉറക്കത്തില്‍ ഹൃദയാഘാതമുണ്ടായി മരിച്ചത്.

അബ്ഹ-ഖമീസ് റോഡില്‍ ജുഫാലി പാലത്തിന് സമീപം തമർ ലോജിസ്റ്റിക് എന്ന സ്ഥാപനത്തില്‍ ഡ്രൈവറായി ജോലി ചെയ്യുകയായിരുന്നു.

അഞ്ച് മാസം മുമ്പാണ് നാട്ടില്‍ പോയി വന്നത്. ഭാര്യ: വീണ, മകള്‍: അവന്തിക, മാതാവ്: ഓമന, പിതാവ്: സന്ദാനന്ദ ചെട്ടിയാർ, സഹോദരൻ: രതീഷ്.