പാലാ :കർക്കിടകവാവിനോടനുബന്ധിച്ച് പിതൃതർപ്പണത്തിനൊരുങ്ങി കടപ്പാട്ടൂർ ശ്രീമഹാദേവ ക്ഷേത്രം. ഇതിനായി വിപുലമായ ക്രമീകരണങ്ങളാണ് ക്ഷേത്രക്കടവിൽ ഒരുങ്ങുന്നത്.
കർക്കടകവാവും പിതൃതർപ്പണവും കേരളത്തിന്റെ സംസ്കാരത്തിലും പാരമ്പര്യത്തിലും വിശ്വാസികൾക്ക് ഒഴിച്ചുകൂടാനാവത്തവയാണ്. പൂർവ്വികരെ ആദരിക്കുകയും, അനുഗ്രഹം തേടുകയുമാണ് പ്രധാന ലക്ഷ്യം.
പിതൃക്കളെ സ്മരിക്കാനുള്ള അവസരമാണ് ബലിതർപ്പണം മനുഷ്യരൂപത്തിൽ ജന്മം തന്നവരോടുള്ള നന്ദി പറച്ചിലാണത് ഒരു മനുഷ്യജീവിതത്തിൽ ചെയ്യാൻ പറ്റുന്ന ഏറ്റവും വലിയ പുണ്യകർമ്മമായി ബലിതർപ്പണം വ്യാഖ്യാനിക്കപ്പെടുന്നു.
ഭാരതീയ വിശ്വാസമനുസരിച്ച് വാവുബലി അഥവാ പിതൃ തർപ്പണത്തിന് ആത്മീയതയുടെ ഒരു മഹത്തായ തലമുണ്ട് ദക്ഷിണായനത്തിലെ ആദ്യമാവാസിയാണ് കർക്കിടകവാവ്
ഈ സമയം സൂര്യൻ പിതൃലോകത്തേക്ക് കടക്കുമെന്നും പിതൃയാനത്തിനുള്ള പ്രവേശന കവാട കവാടമാണ് കർക്കടകവാവ് എന്നും വിശ്വാസമുണ്ട്.
അതിനാലാണ് സാധാരണ ശ്രാദ്ധത്തിൽ നിന്നും വ്യത്യസ്തമായി പ്രധാന തീർത്ഥഘട്ടങ്ങളിൽ ബലിതർപ്പണത്തിനായി ഭക്തർ ഒത്തുചേരുന്നത്. കടപ്പാട്ടൂരിൽ അത് മീനച്ചിലാറാണ് . ഈ വർഷാന ചടങ്ങുകൾ
ആഗസ്റ്റ് 3-ാംതീയതി ശനിയാഴ്ചയാണ്. ശനിയാഴ്ച രാവിലെ 5മണിക്ക് ക്ഷേത്ര കടവിൽ പിതൃതർപ്പണ ചടങ്ങുകൾ ആരംഭിക്കും. ക്ഷേത്രക്കടവിലെ ബലിതർപ്പണച്ചടങ്ങുകൾക്ക് കീച്ചേരിൽ നാരായണൻ നമ്പൂതിരി മുഖ്യകാർമികത്വം വഹിക്കും.
വാവുബലി ദിനമായ ശനിയാഴ്ച ക്ഷേത്രത്തിൽവിഷ്ണുപൂജ, നമസ്കാരം, കൂട്ടനമസ്കാരം, തുടങ്ങിയ വഴിപാടുകൾ
നടത്തുന്നതിന് സൗകര്യം ഏർപ്പെടുത്തിയിട്ടുണ്ട്. ബലിതർപ്പണത്തിന് ക്ഷേത്രത്തിൽ എത്തുന്നവർക്കായി രാവിലെ 9 മുതൽ അന്നദാനവും ഉണ്ടായിരിക്കും.
ഫോൺ :
9188 015 448,
8330068377
ദേവസ്വം പ്രസിഡന്റ് പി.എസ് ഷാജികുമാർ പയനാൽ, സെക്രട്ടറി വി.എസ്. ശശികുമാർ, ഖജാൻജി കെ. ആർ. ബാബു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.