കോൺ​ഗ്രസ് എംപി വസന്തറാവു ചവാൻ അന്തരിച്ചു

മുംബൈ: മുതിർന്ന കോൺ​ഗ്രസ് നേതാവും മഹാരാഷ്ട്രയിലെ നന്ദേഡിൽ നിന്നുള്ള ലോക്സഭാ അം​ഗവുമായ വസന്തറാവു ചവാൻ അന്തരിച്ചു. അദ്ദേഹത്തിനു 70 വയസായിരുന്നു. ദീർഘനാളായി അസുഖ ബാധിതനായിരുന്നു.

ചികിത്സയിലിരിക്കെ ഇന്ന് പുലർച്ചെ 3 മണിയോടെയാണ് അന്ത്യം. കരളിലെ അണുബാധയെ തുടർന്നാണ് രണ്ടാഴ്ച മുൻപ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. ശ്വാസ തടസവും രക്ത സമ്മർദ്ദം കുറഞ്ഞതും ആരോ​ഗ്യ സ്ഥിതി ​ഗുരുതരമാക്കി.

ഇക്കഴിഞ്ഞ ലോക്സഭാ തെരഞ്ഞെടുപ്പിൽ ബിജെപിയുടെ സിറ്റിങ് എംപിയായിരുന്ന പ്രതാപ്റാവു ചിഖലികറിനെയാണ് വസന്തറാവു പരാജയപ്പെടുത്തിയത്. 5,28,894 വോട്ടുകൾ നേടിയാണ് വസന്തറാവു വിജയിച്ചത്.