5 പേർക്ക് പുതുജീവൻ നൽകി മടക്കം: സിനോജിന് ഇന്ന് നാട് വിട പറയും,

കൊല്ലം:  അവയവദാനത്തിന്റെ സന്ദേശവുമായി അഞ്ച്‌ പേര്‍ക്ക്‌ പുതുജീവന്‍ നല്‍കി സിനോജ്‌ വിടപറഞ്ഞു. 

ഓയൂർ വെളിയം പടിഞ്ഞാറ്റിന്‍കര കളിയിക്കമേലതില്‍ ജി.സുന്ദരേശന്റെയും സുവര്‍ണകുമാരിയുടെയും മകനായ എസ്‌.സിനോജിന്റെ (35) മരണം പെട്ടെന്നുള്ള അസുഖത്തെതടര്‍ന്ന്‌ ജൂലൈ 10 ന്‌ ഗള്‍ഫില്‍ വച്ചായിരുന്നു. മരണാനന്തരം അഞ്ച്‌ പേര്‍ക്കായി അവയവങ്ങള്‍ ദാനം ചെയ്‌തു. 

സിനോജിന്റെ ഭൗതിക ശരീരം ഇന്ന്‌ രാവിലെ എട്ടിന്‌ നാട്ടിലെ കുടുംബ വീട്ടില്‍ പൊതുദര്‍ശനത്തിന്‌ വച്ചശേഷം മരുതമന്‍പള്ളി ദേവികഭവനത്തില്‍ സംസ്‌കരിക്കും. ഭാര്യ: ചിപ്പി. മകള്‍: ദ്രോണ.