അമേരിക്കയിലെ പുതിയ ഇന്ത്യൻ അംബാസഡറായി വിനയ് മോഹൻ ക്വാത്ര

വാഷിംഗ്ടൺ: അമേരിക്കയിലെ പുതിയ ഇന്ത്യൻ അംബാസഡറായി  പുതുതായി നിയമിതനായ ഇന്ത്യൻ സ്ഥാനപതി വിനയ് മോഹൻ ക്വാത്ര ഓഗസ്റ്റ് 12-ന് അമേരിക്കയിലെത്തി.  

“അമേരിക്കയിലെ പുതിയ ഇന്ത്യൻ അംബാസഡറായി സ്ഥാനപതി വിനയ് മോഹൻ ക്വാത്രയെ സ്വാഗതം ചെയ്യുന്നതിൽ സന്തോഷമുണ്ട്. ഇന്ത്യൻ എംബസിയിലെ ഞങ്ങളെല്ലാവരും അദ്ദേഹത്തിൻ്റെ നേതൃത്വത്തിൽ പ്രവർത്തിക്കാൻ ആവേശഭരിതരാണ്,” ചാർജ് ഡി അഫയേഴ്സ് ശ്രീപ്രിയ രംഗനാഥൻ  പോസ്റ്റിൽ പറഞ്ഞു.

ഏറ്റവും ഒടുവിൽ ഇന്ത്യയുടെ വിദേശകാര്യ സെക്രട്ടറിയായി സേവനമനുഷ്ഠിച്ച 61-കാരനായ ക്വാത്ര,  വിദേശകാര്യ സെക്രട്ടറിയായിരിക്കുന്നതിന് മുമ്പ് ഫ്രാൻസിലെയും നേപ്പാളിലെയും ഇന്ത്യൻ അംബാസഡറായും അദ്ദേഹം സ്ഥാനങ്ങൾ വഹിച്ചിട്ടുണ്ട്. 2024 ജൂലൈ 14 ന് അദ്ദേഹം വിദേശ സേവനത്തിൽ നിന്ന് വിരമിച്ചു.

"യുണൈറ്റഡ് സ്റ്റേറ്റ്സ് ഓഫ് അമേരിക്കയിലെ ഇന്ത്യൻ അംബാസഡറായി ചുമതലയേൽക്കാനുള്ള പദവി, ഈ നിർണായക പങ്കാളിത്തം ശക്തിപ്പെടുത്തുന്നതിനായി ടീം @Indian EmbassyUS തീവ്രമായി പ്രവർത്തിക്കുന്നത് തുടരും" 

— അംബ് വിനയ് മോഹൻ ക്വാത്ര (@AmbVMKwatra) സോഷ്യൽ മീഡിയ X ൽ മുൻപത്തെ ട്വിറ്ററിൽ കുറിച്ചു.

Privileged to assume charge as the Ambassador of India to the United States of America. Team @IndianEmbassyUS will continue to work intensely to strengthen this crucial partnership.

— Amb Vinay Mohan Kwatra (@AmbVMKwatra) August 13, 2024

വരും ദിവസങ്ങളിൽ പുതിയ ഇന്ത്യൻ സ്ഥാനപതി വിനയ് മോഹൻ ക്വാത്ര അമേരിക്കൻ പ്രസിഡൻ്റ് ജോ ബൈഡനെ സന്ദർശിക്കുകയും തന്റെ യോഗ്യതാപത്രങ്ങൾ സമർപ്പിച്ച്‌ പുതിയ അംബാസിഡർ ആയി ചുമതലയേൽക്കുമെന്ന്  പ്രതീക്ഷിക്കുന്നു.