യുകെ :ടി20 കേരള ക്രിക്കറ്റ് ലീഗില് കൊച്ചി ബ്ലൂ ടൈഗേഴ്സിനെ സ്വന്തമാക്കി യുകെ മലയാളിയും എം.എസ് ധോണി ബ്രാൻഡ് അംബാസിഡറായ സിംഗിൾ ഐഡിയുടെ ഉടമയുമായ പാലാക്കാരൻ സുഭാഷ് ജോർജ്ജ് മാനുവല്.
തിരുവനന്തപുരത്തെ ഗ്രീൻഫീൽഡ് സ്റ്റേഡിയത്തിൽ സെപ്റ്റംബര് രണ്ടു മുതല് നടക്കുന്ന ലീഗ് മത്സരങ്ങളില് ആറു ടീമുകളാണ് പങ്കെടുക്കുന്നത്.
ലേലത്തിലെ ഏറ്റവും വലിയ തുകയായ രണ്ടര കോടി രൂപ നൽകിയാണ് കൊച്ചി ബ്ലൂ ടൈഗേഴ്സിനെ സുഭാഷ് ജോർജ്ജ് സ്വന്തമാക്കിയത്. 13 പേരാണ് ഫ്രാഞ്ചൈസിക്കായി അപേക്ഷിച്ചിരുന്നത്. യോഗ്യതാ മാനദണ്ഡങ്ങൾ പൂര്ണമായി പാലിച്ച ഏഴുപേരെ ഫൈനല് ലേലത്തിനായി തിരഞ്ഞെടുക്കുകയായിരുന്നു.
സജാദ് സേഠ് (ഫൈനസ്സ് കണ്സോര്ഷ്യം), ടി. എസ്. കലാധരന് (കണ്സോള് ഷിപ്പിങ് സര്വീസ് ഇന്ത്യ പ്രൈവറ്റ് ലിമിറ്റഡ്), സഞ്ജു മുഹമ്മദ് (ഇകെകെ ഇന്ഫ്രാസ്ട്രെക്ചര് ലിമിറ്റഡ്) എന്നിവര്ക്കാണ് ടീമുകളുടെ ഫ്രാഞ്ചൈസികള് ലഭിച്ചത്.
ഇതിൽ ആയിരം കോടിക്ക് മുകളിൽ ആസ്തിയുള്ള സുഭാഷ് ജോർജ്ജിന്റെ കമ്പനികളുടെ കണ്സോര്ഷ്യമാണ് ലേലത്തിൽ ഒന്നാമതായി എത്തിയത്. തൊട്ട് പിന്നാലെ എത്തിയത് ഫിലിം ഡയറക്ടർ പ്രിയദർശന്റെ കണ്സോര്ഷ്യവുമാണ്.
ഐപിഎല് താരവും ഫാസ്റ്റ് ബൗളറുമായ ബേസില് തമ്പിയാണ് ബ്ലൂ ടൈഗേഴ്സിന്റെ സ്റ്റാര് ഐക്കണ് . 2014-15 സീസണില് കേരളത്തിനായി രഞ്ജി ട്രോഫി കളിച്ച ബേസില് 2017 ല് ഗുജറാത്ത് ലയണ്സിലൂടെയായിരുന്നു ഐപിഎല്ലില് അരങ്ങേറ്റം കുറിച്ചത്.
കേരളത്തില് കായിക സംസ്കാരം വളര്ത്തിയെടുക്കേണ്ടത് അനിവാര്യമാണെന്നും പുതുതലമുറയിലെ മികച്ച കളിക്കാരെ കായിക ലോകത്തിന് സംഭാവന ചെയ്യുകയാണ് ലക്ഷ്യമെന്നും സുഭാഷ് മാനുവല് പറഞ്ഞു.
ബ്രിട്ടണിലും സ്പോര്ട്സിന് പ്രാധാന്യം നല്കി നിരവധി പ്രവര്ത്തനങ്ങള് സുഭാഷിന്റെ നേതൃത്വത്തില് നടക്കുന്നുണ്ട്. യുകെയിൽ കളിക്കാര്ക്കായി സ്വന്തമായി ഗ്രൗണ്ടും ഇദ്ദേഹത്തിന്റെ സ്ഥാപനം രൂപീകരിച്ചിട്ടുണ്ട്.
പാലാ ഭരണങ്ങാനം മാറാമറ്റം വീട്ടിൽ മാനുവല് ജോസഫിന്റെയും ഫിലോമിനയുടെയും മകനാണ് സുഭാഷ് ജോർജ്ജ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.