പഴനി: കൊടൈക്കനാൽ സർക്കാർ ആശുപത്രിയിൽ പ്രവേശിപ്പിച്ച മലപ്പുറം സ്വദേശിയായ യുവാവ് ലഹരിയിൽ കഴുത്തറുത്ത് ആഹ്മഹത്യയ്ക്ക് ശ്രമിച്ചു.
നജിയും സുഹൃത്തുക്കളായ മലപ്പുറം സ്വദേശി മജി (19), കൊച്ചിയിലെ ക്രിസ്റ്റി (23) എന്നിവർ ചൊവ്വാഴ്ച രാവിലെയാണ് കൊടൈക്കനാലിലെത്തിയത്. പിന്നീട് കൂക്കലിൽ എത്തിയ ഇവർ ലഹരിയുപയോഗിച്ചതായാണ് സൂചന.
ഓടുന്ന വണ്ടിയിൽനിന്ന് പുറത്തേക്കിറങ്ങാൻ ശ്രമിച്ച നജിക്ക് താഴെവീണ് പരിക്കേറ്റു. തുടർന്ന്, സമീപവാസികൾ ചേർന്ന് ഇയാളെ ചികിത്സയ്ക്കായി കൊടൈക്കനാൽ സർക്കാർ ആശുപത്രിയിലേക്ക് കൊണ്ടുവന്നു.
ആശുപത്രിയിലെത്തിയ നജി ജനലിന്റെ ഗ്ലാസ് കൈകൊണ്ട് പൊട്ടിക്കുകയും അതെടുത്ത് കഴുത്തറുക്കുകയുമായിരുന്നു. ഗുരുതര പരിക്കേറ്റ നജിയെ സുഹൃത്തുക്കളും ആശുപത്രി ജീവനക്കാരും ചേർന്ന് മധുര മെഡിക്കൽ കോളേജിലേക്ക് കൊണ്ടുപോയി.
കൊടൈക്കനാൽ പോലീസ് കേസെടുത്ത് അന്വേഷണം തുടങ്ങി. കഞ്ചാവ് അല്ലെങ്കിൽ ലഹരികൂൺ എന്നിവയായിരിക്കാം കഴിച്ചതെന്ന് പോലീസ് സംശയിക്കുന്നു. കൊടൈക്കനാൽ മലനിരകളിൽ ലഹരികൂൺ വ്യാപകമായി ഉണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.