ഹേമാ കമ്മിറ്റി റിപ്പോർട്ട് പുറത്തു വന്നതിനു പിന്നാലെ മലയാള സിനിമ ഭരിക്കുന്ന 15 അംഗ പവർ ഗ്രൂപ്പിന്റെ ലിസ്റ്റ് പുറത്ത് വിട്ട് നടൻ സന്തോഷ്‌ പണ്ഡിറ്റ്‌

തിരുവനന്തപുരം :ഹേമാ കമ്മിറ്റി റിപ്പോർട്ട് പുറത്തു വന്നതിനു പിന്നാലെ പ്രതികരണവുമായി സന്തോഷ് പണ്ഡിറ്റ്.

പ്രമുഖരുടെ ആരുടെയും പേര് പറയുന്നില്ലെങ്കിൽ, ഇരകൾക്ക് പരാതി ഇല്ലെങ്കിൽ ഈ റിപ്പോർട്ട് കൊണ്ട് ഒരു ഗുണവും ഉണ്ടാകില്ലെന്ന് സന്തോഷ് പണ്ഡിറ്റ് പറയുന്നു. സന്തോഷ് പണ്ഡിറ്റിന്റെ കുറിപ്പ് വായിക്കാം:

ജസ്റ്റിസ് ഹേമ കമ്മീഷൻ റിപ്പോർട്ട് ഒന്ന് ചുരുക്കി പറഞ്ഞാല്‍ ഇത്രേയുള്ളൂ. കുറേ കാലമായി ഏതൊക്കെയോ നടിമാരെ, ഏതൊക്കെയോ നടന്മാരും,  സംവിധായകരും, ഏതൊക്കെയോ ഷൂട്ടിങ് ലൊക്കേഷനിൽവച്ച്, എവിടയോക്കെയോ കൊണ്ടുപോയി  ലൈംഗികമായി പീഡിപ്പിച്ചു. 

പരാതി പെട്ടാൽ അവസരം നഷ്ടപ്പെടുമോ അല്ലെങ്കിൽ ജീവ ഭയം കാരണം ഇവർ ആരും സംഭവം പുറത്ത് പറഞ്ഞില്ല, പരാതിപ്പെട്ടില്ല. ചൂഷണം ചെയ്തത് പ്രമുഖ നടന്മാർ, ചെയ്യപ്പെട്ടത് പ്രമുഖ നടികളെ, നടന്നത് പ്രമുഖ ഹോട്ടലുകളിൽ, ഇതെല്ലാം ചർച്ച ചെയ്തത് പ്രമുഖ ചാനലുകളിൽ.

മലയാള സിനിമ ഭരിക്കുന്ന 15 അംഗ പവർ ടീമിന്റെ ലിസ്റ്റ് പുറത്തു വന്നു ട്ടോ..  1.ഉരുക്ക് സതീശൻ  2. ടിന്റു മോൻ എന്ന കോടീശ്വരൻ

3. ചിരഞ്ജീവി ഐപിഎസ് 4. ബ്രോക്കർ പ്രേമ ചന്ദ്രൻ 5. പവനായി. 6. കൊപ്ര പ്രഭാകരൻ.

7.അനന്തൻ നമ്പ്യാർ. 8.മുണ്ടക്കൽ ശേഖരൻ. 9.ഹൈദർ മരക്കാർ. 10. കടയാടി ബേബി.

11. കൊളപ്പുള്ളി അപ്പൻ. 12.മോഹൻ തോമസ്. 13.കീരിക്കാടൻ ജോസ്. 14. ജോൺ ഹോനായി

15.കീലേരി അച്ചു (പവർ ഗ്രൂപ്പിലുള്ളത് പേരും, അഡ്രസും, ആധാറും  ഒന്നും ഇല്ലാത്ത 15 അദൃശ്യരായ മനുഷ്യന്മാർ ആണെന്ന് ഇനിയും ആരും പറയരുത്. )