മലപ്പുറം: മലപ്പുറം പൊന്നാനിയിലെ മത്സ്യത്തൊഴിലാളിയെ കാണാതായി. പൊന്നാനി സ്വദേശി ഷൗക്കത്തിനെയാണ് കാണാതായത്. മത്സ്യ ബന്ധനത്തിനു പോയ ബോട്ടില് നിന്ന് ആലപ്പുഴ ഭാഗത്ത് നിന്നാണ് ഷൗക്കത്തിനെ കാണാതായത്. ഇന്ന് പുലര്ച്ചെ നാലു മണിയോടെയാണ് സംഭവം.
കാണാതായ സ്ഥലത്ത് ബോട്ടുകളില് തെരച്ചില് തുടരുകയാണ്. ബോട്ടില് നിന്ന് കടലിലേക്ക് വീണതായാണ് സംശയിക്കുന്നത്. മത്സ്യബന്ധനം കഴിഞ്ഞ് പോകുന്നതിനിടെ ബോട്ടിലെ മറ്റു മത്സ്യത്തൊഴിലാളികള് ഉറങ്ങുന്നതിനിടെയാണ് ഷൗക്കത്തിനെ കാണാതായത്.
മത്സ്യത്തൊഴിലാളികള് ഉറങ്ങി ഏഴുന്നേറ്റപ്പോള് ഷൗക്കത്തിനെ കണ്ടില്ല. തുടര്ന്ന് പൊലീസിനെയും തീരദേശ സേനയെയും വിവരം അറിയിക്കുകയായിരുന്നു. മത്സ്യത്തൊഴിലാളികളും തീരദേശ സേനയും ഉള്പ്പെടെ കടലില് തിരച്ചില് നടത്തുന്നുണ്ട്.
ഇതുവരെ ഷൗക്കത്തിനെ കണ്ടെത്താനായിട്ടില്ല. പൊന്നാനിയില് നിന്നും ഇന്നലെ വൈകിട്ട് നാലുമണിയോടെയാണ് മുബാറക്ക് എന്ന ബോട്ടില് ഷൗക്കത്ത് അടക്കം 7 മത്സ്യ തൊഴിലാളികള് പൊന്നാനിയില് നിന്ന് മത്സ്യബന്ധനത്തിന് പോയത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.