തിരുവനന്തപുരം: സംസ്ഥാനത്ത് ഇത്തവണ സര്ക്കാരിന്റെ ഓണാഘോഷ പരിപാടികള് ഒഴിവാക്കാന് തീരുമാനം. വയനാട് മുണ്ടക്കൈ, ചൂരല്മല ഉരുള്പ്പൊട്ടല് ദുരന്തങ്ങളുടെ പശ്ചാത്തലത്തിലാണ് തീരുമാനം. സംസ്ഥാനം സമാനതകളില്ലാത്ത ദുരന്തത്തെ അഭിമുഖീകരിക്കുമ്പോള് ഓണാഘോഷം വേണ്ടെന്ന് സര്ക്കാര് തീരുമാനിക്കുകയായിരുന്നു.
ടൂറിസം വകുപ്പ് സംഘടിപ്പിക്കുന്ന ചാമ്പ്യന്സ് ബോട്ട് റേസ് ലീഗും ഒഴിവാക്കിയിട്ടുണ്ടെന്ന് മന്ത്രി മുഹമ്മദ് റിയാസ് അറിയിച്ചു. ഓണാഘോഷം ഒഴിവാക്കുമെന്ന് നേരത്തെ തന്നെ റിപ്പോര്ട്ടുകളുണ്ടായിരുന്നു.
അതേസമയം, വയനാട് ദുരന്തത്തില് മരിച്ചവരുടെ എണ്ണം 400 കവിഞ്ഞു. 404 പേരാണ് സംസ്ഥാന ചരിത്രത്തിലെ ഏറ്റവും വലിയ ഉരുള്പ്പൊട്ടല് ദുരന്തത്തില് മരിച്ചത്. ദുരന്തമുണ്ടായ മുണ്ടക്കൈ, ചൂരല്മല പ്രദേശങ്ങളില് വെള്ളിയാഴ്ച ജനകീയ തെരച്ചില് ആസൂത്രണം ചെയ്തതായി മുഖ്യമന്ത്രി പിണറായി വിജയന് അറിയിച്ചു.
ദുരിതാശ്വാസ ക്യാംപുകളിലും ബന്ധുവീടുകളിലും കഴിയുന്നവരെ കൂടി ഉള്പ്പെടുത്തിയാണ് തെരച്ചില് നടത്തുക. ദുരന്തത്തിന് ഇരകളായവരില് തെരച്ചിലില് പങ്കെടുക്കാന് താല്പര്യമുള്ളവരെ വാഹനങ്ങളില് വീടുകള് നിലനിന്നിരുന്ന സ്ഥലങ്ങളിലെത്തിക്കും.
സുരക്ഷാ ഉദ്യോഗസ്ഥരുടെയും തെരച്ചില് സംഘങ്ങളുടെയും കൂടെയായിരിക്കും ഇവരെ ദുരന്തമുണ്ടായ സ്ഥലങ്ങളിലേക്ക് അയയ്ക്കുക. ഉരുള്പൊട്ടലുണ്ടായ പ്രദേശങ്ങളെ ആറു മേഖലകളിലായി തിരിച്ചാണ് തിരച്ചില്. അപകടം നടന്ന മേഖലയില് സാദ്ധ്യമാകുന്ന എല്ലാ സംവിധാനങ്ങളും ഉപയോഗിച്ചാണ് തെരച്ചില് നടത്തിയത്.
എന്നാല് ബന്ധുക്കളില് നിന്ന് ലഭിക്കുന്ന വിവരങ്ങളുടെ അടിസ്ഥാനത്തില് എന്തെങ്കിലും കണ്ടെത്താന് കഴിയുമോയെന്നറിയാനാണ് ജനകീയ തെരച്ചില് നടത്തുന്നത്.വയനാട് പുനരധിവാസത്തിന്റെ ഭാഗമായി മുഖ്യമന്ത്രിയുടെ ദുരിതാശ്വാസ നിധിയിലേക്ക് എല്ലാവരും സംഭാവന നല്കണമെന്നും മുഖ്യമന്ത്രി അഭ്യര്ത്ഥിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.