നീലേശ്വരം: തൂണ്‍വാടക അടയ്ക്കാത്തതിന്റെ പേരില്‍ കെ.എസ്.ഇ.ബി വൈദ്യുതത്തൂണുകളില്‍നിന്ന്‌ കേബിള്‍ അഴിച്ചുമാറ്റിയതില്‍ പണികൊടുത്ത് ബി.എസ്.എൻ.എല്‍.
എട്ടുലക്ഷം രൂപയോളം ബി.എസ്.എൻ.എല്‍. ഫ്രാഞ്ചൈസികള്‍ വൈദ്യുതത്തൂണുകളില്‍ കേബിള്‍ വലിച്ചയിനത്തില്‍ വാടകയായി നീലേശ്വരം വൈദ്യുതി സെക്ഷനില്‍ അടയ്ക്കാനുണ്ട്.
പലതവണ കുടിശ്ശിക അടയ്ക്കണമെന്നാവശ്യപ്പെട്ട് ബി.എസ്.എൻ.എല്ലിന് കത്ത് നല്‍കിയെങ്കിലും അവർ ഗൗനിച്ചില്ല . പിന്നീട് വൈദ്യുതത്തൂണുകളിലെ കേബിളുകള്‍ മാറ്റുമെന്ന് കെ.എസ്.ഇ.ബി. അധികൃതർ മുന്നറിയിപ്പ് നല്‍ക്കുകയായിരുന്നു .
കേബിളുകള്‍ വ്യാഴാഴ്ച രാവിലെ അഴിച്ചുമാറ്റിയതിന് തൊട്ടുപിന്നാലെ നീലേശ്വരം വൈദ്യുത സെക്ഷൻ ഓഫീസിലേക്കുള്ള ടെലിഫോണ്‍ ബന്ധം ബി.എസ്.എൻ.എല്‍. അധികൃതർ വിച്ഛേദിക്കുകയായിരുന്നു .
തുടർന്ന് വൈദ്യുതി സെക്ഷൻ ഓഫീസിലെ ബില്ലിങ്ങും മറ്റ് ഇടപാടുകളും ഇതോടെ മുടങ്ങി. തുടർന്ന് ബി.എസ്.എൻ.എല്‍. കെ.എസ്.ഇ.ബി. അധികൃതരുടെ ഓഫീസുമായി ബന്ധപ്പെട്ടെങ്കിലും നടപടിയുണ്ടായില്ല.
എന്നിട്ട് ടെലികോം ഉന്നത ഉദ്യോഗസ്ഥരുമായി ഉച്ചയോടെ ബന്ധപ്പെട്ടശേഷം ടെലിഫോണ്‍ ബന്ധം പുനഃസ്ഥാപിക്കുകയായിരുന്നു . പ്രതികാരമെന്ന് വൈദ്യുതജീവനക്കാർ ആരോപിക്കുമ്പോള്‍ വൈദ്യുതവകുപ്പ് ജീവനക്കാർ കേബിളുകള്‍ മുറിച്ചുമാറ്റിയപ്പോഴുണ്ടായ പിഴവാണ് തകരാറിന് കാരണമെന്നാണ് ബി.എസ്.എൻ.എല്‍. അധികൃതർ പറയുന്നത് .
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.