നെഞ്ചുവേദന : തനിച്ച് ഓട്ടോറിക്ഷ ഓടിച്ച് ആശുപത്രിയിലെത്തിയ യുവാവിന് ദാരുണാന്ത്യം,

 അങ്കമാലി: നെഞ്ചുവേദനയെ തുടർന്ന് സ്വന്തം ഓട്ടോറിക്ഷ ഓടിച്ച്‌ ആശുപത്രിയിലെത്തിയ യുവാവ് മരിച്ചു. ജോസ്‌പുരം വടക്കൻ വീട്ടില്‍ പരേതനായ ഫ്രാൻസിസിന്റെയും മേരിയുടെയും മകൻ സുനീഷാണ് (39) മരിച്ചത്.

ഇന്നലെ ഉച്ചയോടെ വീട്ടില്‍ വച്ചാണ് നെഞ്ചുവേദന അനുഭവപ്പെട്ടത്. തുടർന്ന് ഓട്ടോ ഓടിച്ച്‌ അങ്കമാലിയിലെ സ്വകാര്യ ആശുപത്രിയിലെ കാഷ്വാലിറ്റിയില്‍ എത്തുകയായിരുന്നു. കുഴഞ്ഞുവീഴാൻ തുടങ്ങിയ സുനീഷിന് കിടത്തിച്ചികിത്സ നല്‍കിയെങ്കിലും വൈകുന്നേരത്തോടെ മരിച്ചു. 

അങ്കമാലി പഴയ സബ് ട്രഷറി റോഡ് സ്റ്റാൻഡിലെ ഓട്ടോറിക്ഷ ഡ്രൈവറാണ് സുനീഷ്. സഹോദരിമാർ: മിനി, സുനി. മൃതദേഹം അങ്കമാലി ലിറ്റില്‍ ഫ്‌ളവർ ആശുപത്രിയില്‍. സംസ്‌കാരം ഇന്ന് 11ന് ജോസ്‌പുരം സെന്റ് ജോസഫ് പള്ളി സെമിത്തേരിയില്‍.