ഗ്രൈൻഡറിൽ ഷാൾ കുടുങ്ങി വീട്ടമ്മക്ക് ദാരുണാന്ത്യം

 കുമ്പള : ഗ്രൈൻഡറില്‍ ഷാള്‍ കുടുങ്ങി വീട്ടമ്മക്ക് ദാരുണാന്ത്യം. കുമ്പള ചെറുവാട് ഇസ്മയിലിന്റെ ഭാര്യ നഫീസ (53) ആണ് മരിച്ചത്.

കാസർകോട് ആണങ്കൂർ സ്വദേശിനിയാണ് നഫീസ. തിങ്കളാഴ്ച വൈകിട്ട് വീട്ടിലാണ് അപകടം സംഭവിച്ചത്.

ചികിത്സയിലുള്ള ഭർത്താവ് ഇസ്മായില്‍ ശബ്ദം കേട്ട് വന്നു നോക്കിയപ്പോള്‍ നഫീസ ഷാള്‍ കുടുങ്ങി പിടയുന്നതാണ് കണ്ടത്. ഇയാള്‍ ബഹളം വെച്ചതിനെ തുടർന്ന് സമീപവാസികള്‍ എത്തി ഗ്രൈൻഡർ ഓഫ് ചെയ്ത് നഫീസയെ കുമ്പള ജില്ല സഹകരണ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. വർഷങ്ങളായി പെറുവാട് താമസിച്ചുവരുന്ന ഇവർക്ക് മക്കളില്ല.