എസ് ഡി പി ഐ സ്ഥാനാർത്ഥി നാമനിർദേശ പത്രിക സമർപ്പിച്ചു.

പറവൂർ: ചിറ്റാറ്റുകര പഞ്ചായത്ത് തോപ്പ് എട്ടാം വാർഡിൽ നടക്കുന്ന ഉപതെരഞ്ഞെടുപ്പിൽ മത്സരിക്കുന്ന എസ്ഡിപിഐ സ്ഥാനാർത്ഥി അജേഷ് എൻ എം നാമ നിർദ്ദേശ പത്രിക സമർപ്പിച്ചു.

സഹവരണാധികാരി കൂടി ആയ പഞ്ചായത്ത് സെക്രട്ടറി പി കെ സുമേഷ് മുമ്പാകെയാണ് പത്രിക സമർപ്പിച്ചത്.

എസ്ഡിപിഐ സംസ്ഥാന ജനറൽ സെക്രട്ടറി അജ്മൽ ഇസ്മായിൽ, സംസ്ഥാന സമിതി അംഗം വി എം ഫൈസൽ, ജില്ലാ വൈസ് പ്രസിഡണ്ട് ഷമീർ മാഞ്ഞാലി, പറവൂർ മണ്ഡലം പ്രസിഡണ്ട് നിസാർ അഹമ്മദ്, സെക്രട്ടറി സുധീർ അത്താണി ബ്രാഞ്ച് ഭാരവാഹികളായ ഷമീർ ചന്തപ്പാടം റിയാസ് പാറപ്പുറം തൻസീർ, ഷബീർ എന്നിവർ സംബന്ധിച്ചു.