തിരുവനന്തപുരം: വിഴിഞ്ഞം തുറമുഖത്ത് ആദ്യമായെത്തിയ കണ്ടെയ്നര് കപ്പലായ സാന് ഫെര്ണാണ്ടോയുടെ മടക്ക യാത്ര വൈകും. ഇന്ന് തിരിക്കുമെന്നാണ് നേരത്തെ അറിയിച്ചിരുന്നത്. എന്നാല്, മടക്കം മറ്റന്നാള് ആയിരിക്കും. കണ്ടെയ്നറുകള് ഇറക്കുന്നത് വൈകുന്നതാണ് മടക്കയാത്ര വൈകാന് കാരണം.
ചൈനയില് നിന്ന് എത്തിയ കപ്പല് കൊളംബോയിലേക്കാണ് തിരിച്ചു പോകുക. ഫീഡര് വെസ്സലുകള് എത്തുന്നതും വൈകും. ഇന്ന് രാവിലെയെത്തിയ കപ്പലിനെ മുഖ്യമന്ത്രി പിണറായി വിജയനും കേന്ദ്ര തുറമുഖമന്ത്രി സബാന്ദ സോനോവാളും ചേര്ന്നാണ് ഔദ്യോഗികമായി സ്വീകരിച്ചത്. കപ്പലിലെ ക്യാപ്റ്റനും ജീവനക്കാര്ക്കും മന്ത്രിമാര് ഉപഹാരം നല്കി.
ഇന്നലെ രാവിലെയാണ് സാന് ഫെര്ണാണ്ടോ കപ്പല് വിഴിഞ്ഞം തുറമുഖത്തെത്തിയത്. കപ്പലിനെ വാട്ടര് സല്യൂട്ട് നല്കിയാണ് സ്വീകരിച്ചത്. മെര്സ്കിന്റെ 300 മീറ്റര് നീളമുള്ള സാന് ഫെര്ണാണ്ടോ ചരക്കുകപ്പലിന്റെ ബെര്ത്തിങ് മധുരം വിതരണം ചെയ്താണ് ആഘോഷിച്ചത്. ശനിയാഴ്ച മുതല് കൊല്ക്കത്ത, മുംബൈ തുറമുഖങ്ങളിലേക്ക് കണ്ടെയ്നര് കൊണ്ടുപോകാന് ചെറുകപ്പലുകള് (ഫീഡര് വെസലുകള്) വന്നു തുടങ്ങും. ഇവ കൂടി എത്തുന്നതോടെ ട്രാന്സ്ഷിപ്പ്മെന്റുമാകും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.