പെരിയാറിൽ ജലനിരപ്പ് 70 സെന്റിമീറ്റർ ഉയർന്നു; പുഴയോരത്തു ബലിതർപ്പണം പുനരാരംഭിച്ചില്ല

ആലുവ: പെരിയാറിൽ ജലനിരപ്പ് ബുധനാഴ്ച താഴ്ന്നെങ്കിലും ഇന്നലെ വീണ്ടും 70 സെന്റിമീറ്റർ ഉയർന്നു. സമുദ്ര നിരപ്പിനേക്കാൾ 2.2 മീറ്റർ ഉയരത്തിലാണ് ഇപ്പോൾ പുഴയിലെ ജലനിരപ്പ്. ചെളിയുടെ അളവിൽ മാറ്റമില്ല. 30 എൻടിയു തന്നെ.

മണപ്പുറത്തു നിന്ന് ഇറങ്ങിയ വെള്ളം വീണ്ടും കയറിയതിനാൽ പുഴയോരത്തു ബലിതർപ്പണം പുനരാരംഭിച്ചില്ല. പാർക്കിങ് ഏരിയയിലെ പിൽഗ്രിം സെന്ററിലാണ് പിതൃകർമങ്ങൾ നടന്നത്. പുരോഹിതരുടെ പ്രതിഷേധത്തെ തുടർന്നു പിൽഗ്രിം സെന്ററിനു ദേവസ്വം ബോർഡ് വാടക ഈടാക്കുന്നില്ല.