ഇ-ഓഫിസ് സംവിധാനത്തില്‍ ഇന്നും തകരാര്‍; സെക്രട്ടേറിയറ്റില്‍ ഫയല്‍ നീക്കം രണ്ടാം ദിവസവും പ്രതിസന്ധിയിൽ

തിരുവനന്തപുരം: ഇ-ഓഫിസ് സംവിധാനത്തില്‍ ഇന്നും തകരാര്‍ തുടരുന്നതിനാല്‍ സെക്രട്ടേറിയറ്റില്‍ ഫയല്‍ നീക്കം രണ്ടാം ദിവസവും പ്രതിസന്ധിയിലായി. ഇന്നലെ മുതലാണ് ഇ-ഓഫിസ് സംവിധാനം വഴിയുള്ള ഫയല്‍നീക്കം നിലച്ചത്.

സെക്രട്ടേറിയറ്റിലെ മുഴുവന്‍ വകുപ്പുകളിലും ഇ-ഫയലിങ്ങാണ് നിലവിലുള്ളത്. പ്രതിദിനം 16,000ത്തോളം ഫയലുകളാണ് ഇ-ഓഫിസിലൂടെ പോകുന്നത്. തകരാര്‍ പരിഹരിക്കന്‍ എന്‍ഐസി ശ്രമം നടത്തുകയാണ്.