വരാപ്പുഴയിൽ പിറന്നാൾ ആഘോഷത്തിനായി ഒത്തുച്ചേർന്ന എട്ട് ഗുണ്ടകളെ പിടികൂടി എറണാകുളം റൂറൽ പൊലീസ്

കൊച്ചി∙ വരാപ്പുഴയിൽ പിറന്നാൾ ആഘോഷത്തിനായി ഒത്തുച്ചേർന്ന ഗുണ്ടകളെ പിടികൂടി എറണാകുളം റൂറൽ പൊലീസ്. റൂറൽ എസ്​പി വൈഭവ് സക്​സേനയുടെ നേതൃത്വത്തിൽ എത്തിയ പൊലീസ് സംഘമാണ് ഗുണ്ടാ സംഘത്തെ പിടികൂടിയത്.ഒരു കുട്ടിയുടെ പിറന്നാൾ ആഘോഷവുമായി ബന്ധപ്പെട്ടാണ് ഇവർ വരാപ്പുഴയിലെ വീട്ടിൽ ഒത്തുചേർന്നത്.

വിവിധ ജില്ലകളിൽ നിന്നുള്ള എട്ട് പേരെയാണ് പിടിയിലായിരിക്കുന്നത്. പിടിയിലായവരിൽ കൊലപാതക കേസ് പ്രതികളും ഉണ്ടെന്നാണ് വിവരം. വരാപ്പുഴ സ്വദേശിയായ ഗുണ്ടയാണ് പിറന്നാൾ ആഘോഷം സംഘടിപ്പിച്ചതെന്നാണ് സൂചന.