ന്യൂഡൽഹി: ഇന്ത്യൻ റെയിൽവേയുടെ തലവര മാറ്റിമറിക്കുമെന്ന് കരുതുന്ന മുംബൈ - അഹമ്മദാബാദ് ബുള്ളറ്റ് ട്രെയിൻ ഇടനാഴിയുടെ നിർമാണം പ്രവർത്തനങ്ങൾ അതിവേഗത്തിലാണ് പുരോഗമിക്കുന്നത്. 508 കിലോമീറ്റർ നീളമുള്ള റെയിൽ ഇടനാഴിയിലൂടെ 320 കിലോമീറ്റർ വേഗതയിൽ ട്രെയിൻ ഓടും. ജാപ്പനീസ് സാങ്കേതികവിദ്യയായ ഷിൻകാൻസെൻ ട്രാക്ക് സിസ്റ്റത്തെ അടിസ്ഥാനമാക്കിയുള്ളതാണ് അതിവേഗ ട്രാക്ക്.
മുംബൈ - അഹമ്മദാബാദ് ബുള്ളറ്റ് ട്രെയിൻ ഇടനാഴിലൂടെ 2027ൽ ബുള്ളറ്റ് ട്രെയിൻ സർവീസ് ആരംഭിക്കുമെന്ന റിപ്പോർട്ടുകളാണ് പുറത്തുവന്നിരുന്നത്. 2026ൽ ബുള്ളറ്റ് ട്രെയിൻ സർവീസ് ആരംഭിക്കുമെന്ന് റെയിൽവേ മന്ത്രി അശ്വിനി വൈഷ്ണവ് വ്യക്തമാക്കുകയും ചെയ്തിരുന്നു. എന്നാൽ മുംബൈ - അഹമ്മദാബാദ് ബുള്ളറ്റ് ട്രെയിൻ 2027 അവസാനത്തോടെ ഗുജറാത്തിൽ ഭാഗികമായി പ്രവർത്തനം ആരംഭിക്കുമെന്ന വാർത്തയാണ് ഇപ്പോൾ പുറത്തുവരുന്നത്.
2027 അവസാനത്തോടെ ഗുജറാത്തിൽ സർവീസ് അരംഭിക്കുകയും പിന്നീട് മഹാരാഷ്ട്രയിലേക്ക് നീട്ടുമെന്നും നാഷണൽ ഹൈ സ്പീഡ് റെയിൽ കോർപ്പറേഷൻ ലിമിറ്റഡ് (എൻഎച്ച്എസ്ആർസിഎൽ) അറിയിച്ചതായി 'ദി ഹിന്ദി' റിപ്പോർട്ട് ചെയ്തു. ഗുജറാത്തിൽ 2027ൽ നിയമസഭാ തെരഞ്ഞെടുപ്പ് നടക്കുന്നതിനാണ് ഗുജറാത്തിൽ സർവീസ് അരംഭിക്കാൻ നീക്കം നടക്കുന്നത്.
2027 ഡിസംബർ 19ന് ഗുജറാത്ത് സഭയുടെ കാലാവധി അവസാനിക്കും. സുററ്റിനും ബിലിമോറയ്ക്കും ഇടയിലുള്ള 50 കിലോമീറ്റർ ദൂരത്തിൽ 2026ൽ ട്രയൽ റൺ ആരംഭിച്ചേക്കും. ഗുജറാത്തിൽ നിർമാണ പ്രവർത്തനങ്ങൾ വേഗത്തിൽ പുരോഗമിക്കുകയും അവസാന ഘട്ടത്തിലേക്ക് എത്തുകയും ചെയ്തിരുന്നു. ഇതോടെ ഗുജറാത്തിൽ സർവീസ് ഭാഗികമായി ആരംഭിച്ച് നിർമാണ പ്രവർത്തനങ്ങൾ പൂർത്തിയാകുന്നതോടെ മഹാരാഷ്ട്രയിലേക്ക് സർവീസുകൾ വ്യാപിപ്പിക്കാനാണ് ഉദ്ദേശിക്കുന്നതെന്ന് എൻഎച്ച്എസ്ആർസിഎൽ വക്താവ് ദി ഹിന്ദുവിനോട് പറഞ്ഞു.
2027ഓടെ വഡോദരയ്ക്കും വാപിക്കും ഇടയിൽ സർവീസ് ആരംഭിക്കാനുള്ള പദ്ധതികൾ പുരോഗമിക്കുകയാണ്. ബിഎസ്പി തമിഴ്നാട് സംസ്ഥാന പ്രസിഡൻ്റിനെ വെട്ടിക്കൊന്നു508 കിലോമീറ്റർ നീളമുള്ള റെയിൽ ഇടനാഴിയുടെ 90 ശതമാനം കൂറ്റൻ പാലങ്ങളിലൂടെയാണ്. പന്ത്രണ്ട് സ്റ്റേഷനുകൾ ഇടനാഴിയിൽ ഉണ്ടാകും.
ഗുജറാത്തിൽ എട്ട് (സബർമതി,അഹമ്മദാബാദ്, ആനന്ദ്, വഡോദര, ബറൂച്ച്, സൂറത്ത്, ബിലിമോറ, വാപി), മഹാരാഷ്ട്രയിൽ നാല് (ബോയ്സർ, വിരാർ, താനെ, മുംബൈ) സ്റ്റേഷനുകളുമുണ്ട്. 2028 പകുതിയോടെ ബുള്ളറ്റ് ട്രെയിൻ പദ്ധതി പൂർത്തിയാക്കാനാണ് എൻഎച്ച്എസ്ആർസിഎൽ ലക്ഷ്യമിടുന്നത്. പദ്ധതി പൂർത്തിയാകുന്നതോടെ രണ്ട് നഗരങ്ങൾക്കിടയിലുള്ള യാത്രാ സമയം മൂന്ന് മണിക്കൂറായി കുറയും. നാഷണൽ ഹൈ സ്പീഡ് റെയിൽ കോർപ്പറേഷൻ ലിമിറ്റഡ് ആണ് മുംബൈ-അഹമ്മദാബാദ് ബുള്ളറ്റ് ട്രെയിൻ ഇടനാഴിയുടെ നിർമാണത്തിന് ചുക്കാൻ പിടിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.