ദുരൂഹം: മലയാളി എയർഹോസ്റ്റസ് ഹോസ്റ്റൽ മുറിയിൽ ജീവനൊടുക്കിയ നിലയിൽ,

ഹരിയാന: മലയാളി എയർഹോസ്റ്റസിനെ ഹരിയാന ഗുഡ്ഗാവിലെ ഹോസ്റ്റല്‍ മുറിയില്‍ മരിച്ച നിലയില്‍ കണ്ടെത്തി. എയർ ഇന്ത്യയില്‍ ജോലി ചെയ്യുന്ന ചെമ്പകപ്പാറ തമ്പാൻസിറ്റി വാഴക്കുന്നേല്‍ ബിജു-സീമ ദമ്പതികളുടെ മകള്‍ ശ്രീലക്ഷ്മിയാണ് (24) മരിച്ചത്.

താമസിച്ചിരുന്ന ഹോസ്റ്റല്‍ മുറിയില്‍ തൂങ്ങി മരിച്ച നിലയില്‍ കണ്ടെത്തിയെന്നാണ് വീട്ടുകാർക്ക് വിവരം ലഭിച്ചത്. ഞായറാഴ്ച രാത്രിയില്‍ വീട്ടുകാരുമായി സംസാരിച്ചിരുന്നതായി പറയുന്നു. 

എയർ ഹോസ്റ്റസ് പരിശീലനം പൂർത്തിയാക്കിയ ശ്രീലക്ഷ്മി കഴിഞ്ഞ മെയ് മാസത്തില്‍ വീട്ടിലെത്തിയിരുന്നു. ജൂണ്‍ ആദ്യമാണ് എയർ ഇന്ത്യയില്‍ ജോലിയില്‍ പ്രവേശിച്ചത്.