കോഴിക്കോട്: പന്തീരാങ്കാവ് ഗാർഹിക പീഡനക്കേസില് കുറ്റപത്രം അടുത്തയാഴ്ച സമർപ്പിക്കുമെന്ന് പൊലീസ്. എന്നാല്, കേസ് തന്നെ റദ്ദാക്കാനുള്ള പ്രതിഭാഗം ഹർജി ഹൈക്കോടതി ഉടൻ പരിഗണിച്ചാല് കോടതി നിർദേശപ്രകാരമായിരിക്കും പൊലീസിന്റെ തുടർ നടപടികള്.
ഇതിനിടെ, മൊഴി മാറ്റിപ്പറഞ്ഞ പരാതിക്കാരി ഡല്ഹിയിലേക്ക് തിരിച്ചുപോയി. പരാതിക്കാരി തന്നെ മൊഴി മാറ്റിയതോടെയാണ് കേസ് വഴിത്തിരിവിലായത്. അതുകൊണ്ട് തന്നെ കേസ് നിലനില്ക്കുമോ എന്നതില് പൊലീസിന് സംശയവുമുണ്ട്. അടുത്തയാഴ്ച തന്നെ കുറ്റപത്രം സമർപ്പിക്കുമെന്ന് അന്വേഷണ ഉദ്യോഗസ്ഥൻ അറിയിച്ചു.
എന്നാല്, മൊഴി മാറ്റിയ പരാതിക്കാരിയുടെ പിന്തുണയോടെ കേസ് തന്നെ റദ്ദാക്കാൻ പ്രതിഭാഗം നല്കിയ അപേക്ഷ ഹൈക്കോടതി ഇന്ന് പരിഗണിക്കും
കോടതി നിർദേശപ്രകാരമായിരിക്കും പിന്നീടുള്ള തുടർ നടപടികള്. കോടതി റിപ്പോർട്ട് ആവശ്യപ്പെട്ടാല് ഇതുവരെ അന്വേഷണത്തില് കണ്ടെത്തിയ തെളിവുകളും മൊഴികളും അന്വേഷണസംഘം കോടതിയില് സമർപ്പിക്കും.
ഭർത്താവ് ഉപദ്രവിച്ചു എന്ന് പെണ്കുട്ടി മാധ്യമങ്ങള്ക്ക് മുമ്പില് തുറന്നു പറഞ്ഞ വീഡിയോയുടെ പകർപ്പ് ഉള്പ്പെടെയുള്ളവയും മറ്റ് ശാസ്ത്രീയ തെളിവുകളും കോടതിയില് ഹാജരാക്കുമെന്നും അന്വേഷണസംഘം അറിയിച്ചു.
മകളെ കാണാനില്ലെന്ന പിതാവിന്റെ പരാതിയിലാണ് യുവതിയെ നെടുമ്പാശ്ശേരിയില് നിന്നും കസ്റ്റഡിയിലെടുത്ത് പൊലീസ് മജിസ്ട്രേറ്റിന് മുന്നില് ഹാജരാക്കിയത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.