കോട്ടയത്ത് ബസിൽ നിന്ന് വീണ് വയോധികന് ദാരുണാന്ത്യം,

കോട്ടയം: ആർപ്പൂക്കര പിണഞ്ചിറക്കുഴിയില്‍ സ്വകാര്യ ബസില്‍ നിന്നും വീണ് വയോധികൻ മരിച്ചു. ആർപ്പൂക്കര സ്വദേശിയായ പാപ്പൻ (72) ആണ് മരിച്ചത്.

ആർപ്പൂക്കര - കോട്ടയം റൂട്ടില്‍ സർവീസ് നടത്തുന്ന സ്വകാര്യ ബസില്‍ നിന്നാണ് ഇദ്ദേഹം വീണ് മരിച്ചത്. വെള്ളിയാഴ്ച വൈകിട്ടായിരുന്നു സംഭവം.

കോട്ടയം ഭാഗത്തേയ്ക്ക് പോകുന്നതിനായി പാപ്പൻ ബസില്‍ കയറുന്നതിനിടെ ഇദ്ദേഹം റോഡിലേയ്ക്ക് വീഴുകയായിരുന്നു. ഉടൻ തന്നെ കോട്ടയം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. മൃതദേഹം കോട്ടയം മെഡിക്കല്‍ കോളെജ് ആശുപത്രി മോർച്ചറിയില്‍. സംഭവത്തില്‍ ഗാന്ധിനഗർ പൊലീസ് കേസെടുത്തു.