തിരുവനന്തപുരം: തിരുവനന്തപുരത്ത് ഇന്സ്റ്റഗ്രാം ഇന്ഫ്ളുവന്സറായ പെണ്കുട്ടി ആത്മഹത്യ ചെയ്ത സംഭവത്തില് ആണ് സുഹൃത്ത് അറസ്റ്റില്. നെടുമങ്ങാട് സ്വദേശി ബിനോയിക്കെതിരെ (22) പോക്സോ വകുപ്പ് ചുമത്തി പൂജപ്പുര പൊലീസ് കേസെടുത്തു.
~2.jpeg)
തൃക്കണ്ണാപുരം ഞാലിക്കോണം സ്വദേശിയായ പെണ്കുട്ടി കഴിഞ്ഞ ദിവസമായിരുന്നു മരിച്ചത്. തിരുവനന്തപുരത്തെ സര്ക്കാര് സ്കൂളിലെ പ്ലസ് ടു വിദ്യാര്ത്ഥിനിയായിരുന്നു. കഴിഞ്ഞ തിങ്കളാഴ്ചയാണ് വിദ്യാര്ഥിനി വീട്ടിനുള്ളില് ആത്മഹത്യയ്ക്ക് ശ്രമിച്ചത്. മെഡിക്കല് കോളേജ് ആശുപത്രിയില് ചികിത്സയിലിരിക്കെ കഴിഞ്ഞ ദിവസം രാത്രിയായിരുന്നു മരണം.
അടുത്തിടെ ബിനോയിയുമായുള്ള സൗഹൃദം പെണ്കുട്ടി ഉപേക്ഷിച്ചിരുന്നു. ഇതിന് പിന്നാലെ പെണ്കുട്ടിയുടെ പോസ്റ്റുകള്ക്കും റീലുകള്ക്കും താഴെ അധിക്ഷേപ കമന്റുകള് നിറഞ്ഞിരുന്നു.
എന്നാല് മകളുടെ മരണത്തിന് കാരണം സൈബര് ആക്രമണമല്ലെന്നും നെടുമങ്ങാട്ടെ ഇന്ഫ്ളുവന്സറെ സംശയിക്കുന്നതായും പെണ്കുട്ടിയുടെ അച്ഛന് വാര്ത്താസമ്മേളനത്തില് ആരോപിച്ചിരുന്നു. ഇതിന്റെയെല്ലാം അടിസ്ഥാനത്തില് ബിനോയിയെ കസ്റ്റഡിയിലെടുത്ത് ചോദ്യം ചെയ്തതിന്റെ അടിസ്ഥാനത്തിലാണ് അറസ്റ്റ്. ചോദ്യം ചെയ്യുന്നതിനിടെ ബിനോയ് നിര്ണായക വെളിപ്പെടുത്തല് നടത്തിയതായാണ് പൊലീസ് പറയുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.