കുവൈത്ത് സിറ്റി/തിരുവനന്തപുരം: കുവൈത്ത് ദുരന്തത്തില് ചികില്സയില് തുടരുന്ന മലയാളികളെല്ലാം അപകടനില തരണം ചെയ്തു.
പരിക്കേറ്റ് ചികിത്സയിലുള്ള 14 മലയാളികളില് 13 പേരും നിലവില് വാർഡുകളിലാണ് ചികിത്സയിലുള്ളത്. ഇവർ ആരുടെയും നില ഗുരുതരമല്ല. ഒരാള് മാത്രമാണ് ഐസിയുവില് തുടരുന്നത്. അല് അദാൻ, മുബാറക് അല് കബീർ, അല് ജാബർ, ജഹ്റ ഹോസ്പിറ്റല്, ഫർവാനിയ ഹോസ്പിറ്റല് എന്നിവിടങ്ങളിലാണ് ചികിത്സയില് കഴിയുന്നത്. മൊത്തം 31 ഇന്ത്യക്കാരാണ് ചികിത്സയിലുള്ളത്.
ഇതിനിടെ, കുവൈത്ത് ദുരന്തത്തില് മരിച്ച മലയാളികളില് നാലുപേരുടെ സംസ്കാരം ഇന്ന് നടക്കും. ഇന്നലെ 12 പേര്ക്കാണ് ജന്മനാട് വിട നല്കിയത്. കുവൈത്ത് ദുരന്തത്തില് മരിച്ച കൊല്ലം പുനലൂർ സ്വദേശി സാജൻ ജോർജിൻ്റെയും വിളച്ചിക്കാല സ്വദേശി ലൂക്കോസിന്റെയും സംസ്കാരം ഇന്ന് നടക്കും. സാജന്റെ സംസ്കാരം നരിക്കല് മാർത്തോമാ ചർച്ച് സെമിത്തേരിയിലും ലൂക്കോസിന്റെ സംസ്കാരം വിളച്ചിക്കാല ഐപിസി സെമിത്തേരിയിലുമാണ്.
മൃതദേഹങ്ങള് ഇന്നലെ നാട്ടില് എത്തിച്ചെങ്കിലും വിദേശത്തുള്ള ബന്ധുക്കള് എത്താനുള്ളതിനാല് ചടങ്ങുകള് ഇന്നത്തേക്ക് തീരുമാനിക്കുകയായിരുന്നു.മൃതദേഹങ്ങള് നിലവില് മോർച്ചറിയിലാണ്. പത്തനംതിട്ട പന്തളം സ്വദേശി ആകാശ് ശശിധരന്റെയും കണ്ണൂർ കുറുവ സ്വദേശി അനീഷ് കുമാറിന്റെയും സംസ്കാരവും ഇന്ന് നടക്കും.
കണ്ണൂരിലെ സ്വകാര്യ ആശുപത്രിയില് സൂക്ഷിച്ചിരിക്കുന്ന അനീഷ് കുമാറിന്റെ മൃതദേഹം രാവിലെ എട്ട് മണിയോടെ നാട്ടിലേക്ക് കൊണ്ടുവരും. കുറുവയിലെ പൊതുദർശനത്തിന് ശേഷം വീട്ടിലേക്ക് കൊണ്ടുവരും. പതിനൊന്ന് വർഷമായി കുവൈത്തില് ജോലി ചെയ്യുന്ന അനീഷ് പ്രവാസ ജീവിതം മതിയാക്കി നാട്ടില് സ്ഥിരതാമസമാക്കാനുള്ള തയ്യാറെടുപ്പില് ആയിരുന്നു.
കുവൈത്തില് ചികിത്സയിലുള്ള മലയാളികള്
1.സുരേഷ് കുമാർ നാരായണൻ - ഐസിയു - അല് ജാബർ ഹോസ്പിറ്റല്
2.നളിനാക്ഷൻ - വാർഡ്
3.സബീർ പണിക്കശേരി അമീർ - വാർഡ്
4.അലക്സ് ജേക്കബ് വണ്ടാനത്തുവയലില് -വാർഡ്
5.ജോയല് ചക്കാലയില് - വാർഡ്
6.തോമസ് ചാക്കോ ജോസഫ് - വാർഡ്
7.അനന്ദു വിക്രമൻ - വാർഡ്
8.അനില് കുമാർ കൃഷ്ണസദനം - വാർഡ്
9.റോജൻ മടയില് - വാർഡ്
10.ഫൈസല് മുഹമ്മദ് - വാർഡ്
11.ഗോപു പുതുക്കേരില് - വാർഡ്
12.റെജി ഐസക്ക്- വാർഡ്
13.അനില് മത്തായി- വാർഡ്
14.ശരത് മേപ്പറമ്പില് - വാർഡ്
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.