കുവൈത്ത് സിറ്റി: തീയില് വെന്തു മരിക്കാതിരിക്കാൻ കെട്ടിടത്തില് നിന്ന് എടുത്തു ചാടുന്നതിനൊപ്പം നാല് പേരെ കൂടി രക്ഷിച്ചാണ് തിരുവല്ല സ്വദേശി അനില് കുമാർ ജീവിതത്തിലേക്ക് തിരിച്ചു വന്നിരിക്കുന്നത്.
ജോലിക്ക് പോകാന് വേണ്ടി പുലര്ച്ചെ എഴുന്നേല്ക്കുന്നതാണ് അനില് കുമാറിന്റെ ശീലം. പതിവ് പോലെ പുലര്ച്ചെ എഴുന്നേറ്റപ്പോഴാണ് കനത്ത ചൂടും പുകയും അനുഭവപ്പെട്ടത്. മുറിയിലേക്ക് കനത്ത പുക അടിച്ചുകയറി. ആദ്യം ശ്വസിച്ചപ്പോള് തന്നെ ശ്വാസംമുട്ടലുണ്ടായി.
ഉടന് തന്നെ റൂമിലുള്ള പരമാവധി ആളുകളെ വിളിച്ചുണര്ത്തി. എല്ലാവരും ഉറങ്ങുകയായിരുന്നു. ആളുകളെ വിളിച്ച് ഉണര്ത്തി രക്ഷപ്പെടാനുള്ള ശ്രമങ്ങള് നോക്കി. കോണിപ്പടി വഴി രക്ഷപ്പെടാന് സാധ്യമല്ലെന്ന് മനസ്സിലായതോടെ രണ്ടാം നിലയില് നിന്ന് പുറത്തേക്ക് ചാടാന് തീരുമാനിക്കുകയായിരുന്നു.
രണ്ടാം നിലയില് നിന്ന് ചാടിയ അദ്ദേഹത്തിന്റെ കാലിന് പരിക്കേറ്റു. അവിടെ നിന്ന് പിന്നീട് ആരോ കോണി വെച്ച് കൊടുത്ത ശേഷം ഇറങ്ങിയെന്നാണ് അനില് കുമാര് പറയുന്നത്. കൂടെയുള്ള നാലുപേര് കൂടി രക്ഷപ്പെട്ടു. പക്ഷേ അപ്പോഴും കൂടെയുള്ള കൂടുതല് ആളുകളെ വിളിക്കാന് പറ്റിയില്ലല്ലോ എന്ന സങ്കടം അനില് കുമാര് പങ്കുവെച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.