2015 ലാണ് വാട്‌സാപ്പില്‍ കോളിങ് സൗകര്യം അവതരിപ്പിച്ചത്. അതിന് ശേഷം ഗ്രൂപ്പ് കോളുകള്‍, വീഡിയോ കോളുകള്‍ ഉള്‍പ്പടെ പലവിധ പരിഷ്‌കാരങ്ങള്‍ക്ക് വിധേമായിട്ടുണ്ട്. ഇപ്പോളിതാ വാട്‌സാപ്പിലെ വീഡിയോ കോളിങ് ഫീച്ചറില്‍ വിവിധ അപ്‌ഡേറ്റുകള്‍ അവതരിപ്പിച്ചിരിക്കുകയാണ് കമ്പനി.
.jpeg)
ഡെസ്‌ക്ടോപ്പ് ആപ്പില്‍ വാട്‌സാപ്പ് വീഡിയോ കോളില്‍ ഇനി ഒരേ സമയം കൂടുതല്‍ അംഗങ്ങള്‍ക്ക് പങ്കെടുക്കാനാവും. നേരത്തെ വിന്‍ഡോസ് ആപ്പില്‍ 16 പേരെയും മാക്ക് ഒഎസില്‍ 18 പേരെയുമാണ് വീഡിയോ കോളില്‍ അനുവദിച്ചിരുന്നത്. ഇത് 32 ആയി വര്‍ധിപ്പിച്ചു. മൊബൈല്‍ പ്ലാറ്റ്‌ഫോമില്‍ നേരത്തെ തന്നെ 32 പേര്‍ക്ക് വീഡിയോകോളില്‍ പങ്കെടുക്കാന്‍ സാധിച്ചിരുന്നു.
ശബ്ദത്തോടു കൂടി സ്‌ക്രീന്‍ ഷെയര്‍ ചെയ്യാനുള്ള സൗകര്യവുമുണ്ട്. വാട്‌സാപ്പ് ഉപഭോക്താക്കള്‍ക്ക് ഒന്നിച്ചിരുന്ന് സിനിമ കാണാനും വീഡിയോകള്‍ ആസ്വദിക്കാനും ഇതുവഴി സാധിക്കും. സ്‌ക്രീന്‍ ഷെയര്‍ ചെയ്യുന്നതിനൊപ്പം അതിലെ ശബ്ദവും മറ്റുള്ളവരുമായി പങ്കുവെക്കാനാവും.
ഗ്രൂപ്പ് വീഡിയോ കോളില്‍ സംസാരിക്കുന്ന ആളുടെ വിന്‍ഡോ സ്‌ക്രീനില്‍ ആദ്യം കാണുന്ന സ്പീക്കര്‍ ഹൈലൈറ്റ് അപ്‌ഡേറ്റും കമ്പനി അവതരിപ്പിച്ചിട്ടുണ്ട്.
വാട്‌സാപ്പ് വീഡിയോ കോളിലെ ശബ്ദത്തിന്റേയും വീഡിയോയുടെയും ഗുണമേന്മ ഉയര്‍ത്തുന്നതിനുള്ള ശ്രമങ്ങളും തങ്ങള്‍ നടത്തുന്നുണ്ടെന്ന് വാട്‌സാപ്പ് പറയുന്നു. ഇതിനായി അടുത്തിടെ എംലോ കൊഡെക്ക് (Mlow Codec) അവതരിപ്പിച്ചിരുന്നു.
വാട്‌സാപ്പ് മൊബൈലില്‍ നിന്നുള്ള വീഡിയോ വോയ്‌സ് കോളുകളില്‍ നോയ്‌സ് എക്കോ കാന്‍സലേഷന്‍ സൗകര്യങ്ങള്‍ ലഭ്യമാണ്. അതിവേഗ കണക്ടിവിറ്റി ഉള്ളവര്‍ക്ക് ഉയര്‍ന്ന റസലൂഷനില്‍ വീഡിയോ കോള്‍ ചെയ്യാനുമാവും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.