പണിമുടക്കി ജിയോ! സേവനങ്ങൾ തകരാറിൽ: വിവിധ ഓൺലൈൻ ഫ്ലാറ്റുഫോമുകളിൽ തടസങ്ങൾ,

ന്യൂഡല്‍ഹി: ഇന്ത്യയിലെ മുൻനിര ടെലികോം ദാതാക്കളില്‍ ഒന്നായ ജിയോയുടെ സേവനങ്ങളില്‍ തകരാർ സംഭവിച്ചതായി റിപ്പോർട്ട്.

രാജ്യത്തെ വിവിധയിടങ്ങളില്‍ ജിയോ ഉപഭോക്താക്കള്‍ക്ക് സേവനം ലഭിക്കുന്നതില്‍ വീഴ്ച സംഭവിച്ചെന്നാണ് ദേശീയ മാദ്ധ്യമങ്ങള്‍ റിപ്പോർട്ട് ചെയ്യുന്നത്. ജിയോയുടെ 2,404 ഉപഭോക്താക്കള്‍ക്കാണ് പ്രശ്നം നേരിട്ടത്. ഉച്ചയ്‌ക്ക് 1.53ഓടെയാണ് സംഭവം.

റിപ്പോർട്ട് ചെയ്യപ്പെട്ടവയില്‍ 48 ശതമാനവും ജിയോ ഫൈബറുമായി ബന്ധപ്പെട്ടവയാണ്. കമ്പിനിയുടെ ബ്രോഡ്ബാൻഡ് സർവീസാണ് ജിയോ ഫൈബർ. 47 ശതമാനം ഉപഭോക്താക്കള്‍ക്ക് ഇന്റർനെറ്റ് കണക്ടിവിറ്റിയുമായി ബന്ധപ്പെട്ട തടസങ്ങളാണ് അനുഭവപ്പെട്ടത്. 

അഞ്ച് ശതമാനം പേർക്കാണ് മൊബൈല്‍ സർവീസുമായി ബന്ധപ്പെട്ട പ്രശ്നങ്ങളുണ്ടായത് കൂടുതലും ഡല്‍ഹിയിലെ ജിയോ ഉപഭോക്താക്കള്‍ക്കാണ് സേവനം ലഭിക്കുന്നതില്‍ തടസം നേരിട്ടത്.

ജിയോ കൂടാതെ എയർടെല്‍ ഉപഭോക്താക്കള്‍ക്കും രാജ്യത്തിന്റെ ചിലയിടങ്ങളില്‍ സർവീസ് ലഭിക്കാതെ വന്നതായി റിപ്പോർട്ടുണ്ട്. ട്വിറ്റർ, സ്നാപ്ചാറ്റ്, ആമസോണ്‍ പ്രൈം, തുടങ്ങിയ ഓണ്‍ലൈൻ പ്ലാറ്റ്ഫോമുകളിലും സർവീസ് ഡൗണ്‍ ആയതായി ചില ഉപഭോക്താക്കള്‍ പറയുന്നു.