60 ദിവസമായി ജുഡിഷ്യല്‍ കസ്റ്റഡിയില്‍: സിദ്ധാർത്ഥൻ്റെ മരണത്തിൽ പ്രതികളുടെ ജാമ്യ ഹർജികൾ ഹൈക്കോടതി ഇന്ന് വീണ്ടും പരിഗണിക്കും,

കൊച്ചി: പൂക്കോട് വെറ്ററിനറി സർവകലാശാല വിദ്ധ്യാർഥി സിദ്ധാർഥന്റെ മരണത്തില്‍ പ്രതികള്‍ നല്‍കിയ ജാമ്യഹരജികള്‍ ഹൈക്കോടതി ഇന്ന് വീണ്ടും പരിഗണിക്കും.

കോളജ് യൂനിയൻ ചെയർമാൻ അരുണ്‍ ഉള്‍പ്പെടെ എട്ടുപേരാണ് ഹൈക്കോടതിയെ സമീപിച്ചത്.

കഴിഞ്ഞ തവണ ഹരജി പരിഗണിച്ചപ്പോള്‍ കേസിലെ പ്രാഥമിക കുറ്റപത്രം ഹാജരാക്കാൻ കോടതി സി.ബി.ഐയ്ക്ക് നിർദേശം നല്‍കിയിരുന്നു. സിദ്ധാർഥൻ നേരിട്ടത് ക്രൂരമായ ആക്രമണമാണെന്നും പ്രതികള്‍ക്കെതിരെയുള്ള ആരോപണങ്ങള്‍ ഗുരുതരമാണെന്നും സി.ബി.ഐ കോടതിയെ അറിയിച്ചിരുന്നു.

ശരിയായ നടപടിക്രമങ്ങള്‍ പാലിക്കാതെയാണ് കുറ്റപത്രം സമർപ്പിച്ചതെന്നാണു ഹരജിക്കാരുടെ വാദം. 60 ദിവസമായി ജുഡിഷ്യല്‍ കസ്റ്റഡിയില്‍ തുടരുകയാണ്. ഇതിനാല്‍, ജാമ്യം നല്‍കണമെന്നും ഇവര്‍ ആവശ്യപ്പെടുന്നു.