ആലപ്പുഴ: പള്ളിപ്പാട് നീണ്ടൂര് കൊണ്ടൂരേത്ത് സൂര്യ സുരേന്ദ്രന് (24) വിമാനത്താവളത്തില് കുഴഞ്ഞുവീണ് മരിച്ചത് അരളിച്ചെടിയുടെ വിഷം ഉള്ളില് എത്തിയതാണ് ഹൃദയാഘാതത്തിലേക്കു നയിച്ചതെന്ന് പൊലീസിന്റെ പ്രാഥമിക റിപ്പോര്ട്ട്. നഴ്സായ സൂര്യ വിദേശത്തു ജോലിക്കായി പുറപ്പെടുമ്പോഴായിരുന്നു മരണം.
.jpeg)
കഴിഞ്ഞ 28നാണ് സൂര്യ വിമാനത്താവളത്തില് കുഴഞ്ഞു വീണത്. തുടര്ന്ന് ചികിത്സയിലിരിക്കെ മരിച്ചു. അസ്വാഭാവിക മരണത്തിന് കേസ് എടുത്ത പൊലീസ് ഇവരെ ചികിത്സിച്ച ഡോക്ടര്മാരുടെ മൊഴിയെടുത്തിരുന്നു.
യാത്ര പുറപ്പെടുന്നതിനു മുന്പ് ഫോണില് സംസാരിച്ചു നടക്കുമ്പോള് അശ്രദ്ധമായി ഏതോ ചെടിയുടെ ഇലയും പൂവും നുള്ളി വായിലിട്ടു ചവച്ചെന്നും അപ്പോള് തന്നെ തുപ്പിക്കളഞ്ഞെന്നും സൂര്യ ഡോക്ടര്മാരോടു പറഞ്ഞിരുന്നു. പരിശോധനയില് ഇത് അരളിച്ചെടിയാണെന്നു കണ്ടെത്തി.
അരളിച്ചെടിയുടെ ഇലകള്ക്കും പൂവിനും കായ്ക്കുമെല്ലാം വിഷാംശമുണ്ടെന്നും മരണകാരണമാകാമെന്നും വിദഗ്ധര് ചൂണ്ടിക്കാട്ടിയിരുന്നു. തുടര്ന്ന് പല ദേവസ്വം ബോര്ഡുകളും അരളിപ്പൂ നിവേദ്യത്തില് ഇടുന്നതു നിരോധിച്ചിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.