എയർ കൂളറില്‍ നിന്ന് ഷോക്കേറ്റു:പാലക്കാട് രണ്ടുവയസുകാരന് ദാരുണാന്ത്യം,

 പാലക്കാട് വടക്കഞ്ചേരി കണക്കൻതുരുത്തിയില്‍ രണ്ടുവയസുകാരൻ ഷോക്കേറ്റ് മരിച്ചു. എയർ കൂളറില്‍ നിന്ന് ഷോക്കേറ്റാണ് മരിച്ചത്.

തൃശൂർ എളനാട് മുളക്കാട് കോലത്ത് വീട്ടില്‍ എല്‍ദോസിൻ്റെ മകൻ ഏദനാണ് മരിച്ചത്. ശനിയാഴ്ച പകല്‍ അമ്മ ആഷ്ലിയുടെ വടക്കഞ്ചേരി കണക്കൻതുരുത്തിയിലെ വീട്ടില്‍ വച്ചാണ് അപകടം സംഭവിച്ചത്.

അമ്മ വീട്ടില്‍ വിരുന്നിന് വന്ന എദൻ കൂളറിൻ്റെ വയറില്‍ പിടിച്ചപ്പോള്‍ അബദ്ധത്തില്‍ ഷോക്കേല്ക്കുകയായിരുന്നു. ഉടൻ തന്നെ തൃശൂരിലെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു. വടക്കഞ്ചേരി പൊലീസ് കേസെടുത്തു.