കളിക്കുന്നതിനിടെ കെഎസ്‌ഇബി ടവര്‍ ലൈനില്‍ നിന്ന് ഷോക്കേറ്റു; ചികിത്സയിലായിരുന്ന 12 വയസുകാരൻ മരിച്ചു,

കോഴിക്കോട്∙ കുറ്റിക്കാട്ടൂരില്‍ ടെറസിനു മുകളില്‍ കളിക്കുന്നതിനിടെ കെഎസ്‌ഇബിയുടെ ടവർ ലൈനില്‍ നിന്നും ഷോക്കേറ്റ് ചികിത്സയിലായിരുന്ന വിദ്യാർഥി മരിച്ചു.

മാണിയാമ്പലം പള്ളി ക്വാർട്ടേഴ്‌സില്‍ താമസിക്കുന്ന മുബാസിന്റെയും റോസിനയുടെയും മകൻ മാലിക്ക് (12) ആണ് മരിച്ചത്.

ഒന്നാം നിലയുടെ ടെറസില്‍ നിന്ന് ഷോക്കേറ്റത്. ഒപ്പം കളിച്ചു കൊണ്ടിരുന്ന കുട്ടി ബഹളം വെച്ചപ്പോഴാണ് താഴെയുള്ളവർ വിവരം അറിഞ്ഞത്. മാലിക്ക് ശരീരമാസകലം പൊള്ളലേറ്റ നിലയില്‍ ടെറസില്‍ വീണു കിടക്കുകയായിരുന്നു.

ഗുരുതരമായി പൊള്ളലേറ്റ് മെഡിക്കല്‍ കോളജ് ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലായിരുന്നുഇതിനിടയിലാണ് കുട്ടി മരണപ്പെട്ടത്.