ഇന്ത്യക്കാരുമായി എത്തിയ ദുബായ് ചാർറ്റേഡ് വിമാനം ജമൈക്കൻ തലസ്ഥാനമായ കിംഗ്സ്റ്റണിൽ നിന്ന് തിരിച്ചയച്ചതായി റിപ്പോർട്ട്. വിനോദസഞ്ചാരികൾ എന്ന നിലയിൽ എത്തിയ യാത്രക്കാരുടെ രേഖകൾ സംബന്ധിച്ചുള്ള ആശങ്കയെ തുടർന്നാണ് നടപടി.
വിമാനത്തോടും യാത്രക്കാരോടും സ്വന്തം സ്ഥലമായ ദുബായിലേക്ക് മടങ്ങാൻ ഉത്തരവിട്ടിട്ടുണ്ട്,' MEA അറിയിച്ചു. നോർമൻ മാൻലി ഇൻ്റർനാഷണൽ എയർപോർട്ടിൽ നിന്നാണ് വിമാനം തിരിച്ചയച്ചത്.
മെയ് 2 ന്, ഒരു ജർമ്മൻ ക്രൂവും 250 ഓളം ഇന്ത്യൻ യാത്രക്കാരുമായി ഒരു ചാർട്ടേഡ് വിമാനം ദുബായിൽ നിന്ന് ജമൈക്കയിലെ നോർമൻ മാൻലി അന്താരാഷ്ട്ര വിമാനത്താവളത്തിൽ ഇറങ്ങി. എത്തിയപ്പോൾ, ഇത് ഒരു കടത്ത് ഓപ്പറേഷനാണെന്ന് സംശയിച്ച ജമൈക്കൻ അധികൃതർ 253 യാത്രക്കാരെ തടഞ്ഞു. ഒടുവിൽ ഈ ആഴ്ച ആദ്യം ദുബായിലേക്ക് മടങ്ങാൻ എല്ലാവർക്കും അനുമതി ലഭിച്ചു.
നിലവിൽ സുരക്ഷാ ഭീഷണിയും നിയമ ലംഘനങ്ങളുടെ സാധ്യതയും കണക്കിലെടുത്ത് പ്രാദേശിക അധികൃതർ യാത്രക്കാരുടെയും വിമാനത്തിന്റെയും പരിശോധന കർശനമാക്കിയതായി ദേശീയ സുരക്ഷാ മന്ത്രാലയം വ്യക്തമാക്കി
വിമാനത്തോടും യാത്രക്കാരോടും ദുബായിലേക്ക് മടങ്ങാൻ ഉത്തരവിട്ടതായും അവർ മെയ് 7ന് കിംഗ്സ്റ്റണില്‍ നിന്ന് പുറപ്പെട്ടതായും വിദേശകാര്യ മന്ത്രാലയ വക്താവ് രണ്‍ധീർ ജയ്‌സ്വാള്‍ അറിയിച്ചു.
ഉദ്യോഗസ്ഥരുടെ പരിശോധനയിൽ യാത്രക്കാരുടെ രേഖകളിൽ വ്യക്തതയില്ലാത്തതാണ് വിമാനം തിരിച്ചയക്കാൻ കാരണമായത്.
“ടൂറിസം ആവശ്യങ്ങള്‍ക്കായി മെയ് 2ന് ദുബായില്‍ നിന്ന് ഇന്ത്യക്കാരുമായി ജർമ്മനിയിൽ രജിസ്റ്റർ ചെയ്ത ചാർട്ടേഡ് വിമാനം കിംഗ്സ്റ്റണില്‍ ഇറങ്ങിയതായി ഞങ്ങള്‍ മനസ്സിലാക്കുന്നു. അവർക്ക് നേരത്തെ ഹോട്ടല്‍ ബുക്കിംഗും ഉണ്ടായിരുന്നു,” ജയ്‌സ്വാള്‍ മാധ്യമങ്ങളോട് പ്രതികരിച്ചു.
വിനോദ സഞ്ചാരികൾ എന്ന നിലയിൽ യാത്ര ചെയ്തവരുടെ ഡോക്യുമെന്റഷനിൽ പ്രാദേശിക അധികൃതർ തൃപ്തരല്ലാത്തതിനാൽ വിമാനത്തോടും യാത്രക്കാരോടും ദുബായിലേക്ക് തന്നെ മടങ്ങാൻ ഉത്തരവിടുകയായിരുന്നു.
2023 ഡിസംബറിൽ ഫ്രാൻസിലെ വാത്രി വിമാനത്താവളത്തിൽ ദുബായിൽ നിന്നുള്ള ചാർട്ടേഡ് വിമാനം തടസ്സപ്പെടുത്തിയതിന് സമാനമായിരുന്നു സംഭവം. ഫ്ലൈറ്റിൻ്റെ അവസാന ലക്ഷ്യസ്ഥാനം നിക്കരാഗ്വ ആയിരുന്നു, സാധാരണയായി ആളുകൾ അനധികൃതമായി അതിർത്തി കടക്കാൻ ശ്രമിക്കുന്ന ആദ്യത്തെ സ്റ്റോപ്പാണ് ഇത്. 303 യാത്രക്കാരിൽ 27 പേർ രാഷ്ട്രീയ അഭയം തിരഞ്ഞെടുത്തു, ബാക്കിയുള്ളവരെ ഇന്ത്യയിലേക്ക് തിരിച്ചയച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.