വെടി വയ്പ് അന്വേഷണവുമായി മിന്നൽ പരിശോധന: 4 നില കെട്ടിടത്തിലെ പൈപ്പിലൂടെ ഇറങ്ങാൻ ശ്രമിച്ച 47കാരന് ദാരുണാന്ത്യം,

പൂനെയില്‍ അനധികൃതമായി ആയുധങ്ങള്‍ സൂക്ഷിച്ചിരിക്കുന്നുവെന്ന വിവരത്തേതുടർന്ന് പോലീസ് നടത്തിയ റെയ്ഡില്‍ കെട്ടിടത്തിന്റെ മുകളില്‍ നിന്ന് പൈപ്പിലൂടെ തൂങ്ങിയിറങ്ങാൻ ശ്രമിച്ച കോണട്രാക്ടർ വീണുമരിച്ചു.ശനിയാഴ്ച രാത്രിയാണ് സംഭവം.

പോലീസ് മരണകാരണം കണ്ടെത്താനുള്ള ശ്രമം തുടരുകയാണ്. ഈ മേഖലയില്‍ കഴിഞ്ഞ ഏതാനും ദിവസങ്ങളായി വെടി വയ്പ് സംഭവങ്ങള്‍ നടക്കുന്നതായി പരാതി വന്നിരുന്നു. ഇതിന് പിന്നാലെയാണ് പോലീസ് മിന്നല്‍ പരിശോധന നടത്തിയത്. 

പോലീസ് പരിശോധനയ്ക്ക് എത്തിയതിന് പിന്നാലെ വാഡ്ഗോണ്‍ ദയാരി മേഖലയിലെ കെട്ടിടത്തില്‍ നിന്ന് നിരവധി പേർ ഇറങ്ങി ഓടാൻ ആരംഭിച്ചു. ഇവരെ പോലീസ് പിന്തുടരുകയുണ്ടായി.

ഇതിനിടയിലാണ് ചിലർ കെട്ടിടത്തിന് പിൻ വശത്തുള്ള പൈപ്പിലൂടെ പിടിച്ച്‌ ഇറങ്ങാൻ ശ്രമം തുടങ്ങിയത്. 47കാരനായ കോണ്‍ട്രാക്ടറും ഇത്തരത്തില്‍ താഴെയിറങ്ങാൻ ശ്രമിക്കുന്നതിനിടയിലാണ് വഴുതി വീണ് മരിച്ചത്.