റീല്‍സ് എടുക്കുന്നതുമായി ബന്ധപ്പെട്ട തര്‍ക്കം: മാനവീയം വീഥിയിൽ വീണ്ടും സംഘർഷം യുവാവിന് വെട്ടേറ്റു,,

 തിരുവനന്തപുരം: മാനവീയം വീഥിയില്‍ വീണ്ടും സംഘര്‍ഷം. യുവാവിന് വെട്ടേറ്റു. മദ്യലഹരിയിലായിരുന്ന രണ്ട് സംഘങ്ങള്‍ തമ്മില്‍ ഏറ്റുമുട്ടുകയായിരുന്നെന്നാണ് വിവരം.സംഭവത്തില്‍ ചെമ്പഴന്തി സ്വദേശി ധനു കൃഷ്ണയ്ക്ക് ആണ് വെട്ടേറ്റത്.

കഴുത്തിന് ഗുരുതരമായി പരിക്കേറ്റ ഇയാളെ ആശുപത്രിയിലേക്ക് മാറ്റി. ഇന്ന് പുലര്‍ച്ചെ ഒന്നരയോടെയാണ് സംഭവം. റീല്‍സ് എടുക്കുന്നതുമായി ബന്ധപ്പെട്ട തര്‍ക്കമാണ് സംഘര്‍ഷത്തില്‍ കലാശിച്ചത്.

സംഭവത്തില്‍ രണ്ട് പേരേ പോലീസ് കസ്റ്റഡിയിലെടുത്തു. തമലം സ്വദേശി ഷമീര്‍, ഇയാള്‍ക്കൊപ്പം ഉണ്ടായിരുന്ന പെണ്‍കുട്ടിയുമാണ്  കസ്റ്റഡിയിലുള്ളത്.