റോഡ് മുറിച്ചുകടക്കുന്നതിനിടെ അപകടം: പരിക്കേറ്റ അധ്യാപിക മരിച്ചു,

കോട്ടയം: പാലായില്‍ റോഡ് മുറിച്ചുകടക്കുന്നതിനിടെ കാര്‍ ഇടിച്ചു ഗുരുതരമായി പരുക്കേറ്റ അങ്കണവാടി അധ്യാപിക മരിച്ചു.

പാലാ കണ്ണാടിയുറുമ്പ് കളപ്പുരക്കല്‍ തൊട്ടിയില്‍ ആശാ സയനന്‍(56) ആണ് മരിച്ചത്. സ്വകാര്യാശുപത്രിയില്‍ ചികിത്സയിലിരിക്കെയാണ് മരണം. 

രണ്ടുദിവസം മുന്‍പാണ് അപകടം ഉണ്ടായത്. മൂന്നാനി ഭാഗത്ത് വെച്ച്‌ ആശാ റോഡ് മുറിച്ചു കടക്കുന്നതിനിടെ അപകടം സംഭവിക്കുകയായിരുന്നു.

അപകടത്തില്‍ ആശയുടെ വാരിയെല്ലുകള്‍ ഒടിയുകയും ആന്തരിക അവയവങ്ങള്‍ക്ക് ഗുരുതരമായ പരിക്കേല്‍ക്കുകയും ചെയ്തിരുന്നു.