ക്ഷേമ പെൻഷൻ ഉപഭോക്താക്കൾ കോടതിയിലേക്ക്,

 ഈരാറ്റുപേട്ട: ക്ഷേമപെൻഷനുകള്‍ ഏഴു മാസമായി നല്‍കാതെ നിരാലംബരായ ആയിരക്കണക്കിന് ഗുണഭോക്താക്കളെ ദ്രോഹിച്ചുകൊണ്ടിരിക്കുന്ന സർക്കാർ നടപടിക്കെതിരേ ഹൈക്കോടതിയുടെ ഇടപെടല്‍ തേടാൻ അഗ്രിക്കള്‍ച്ചറല്‍ പെൻഷനേഴ്സ് വെല്‍ഫയർ അസോസിയേഷൻ തീരുമാനിച്ചു.

സർക്കാരിന്‍റെ ഇതരപെൻഷനുകള്‍ കൃത്യമായി വിതരണം ചെയ്യുമ്പോള്‍ പ്രായാധിക്യവും ആരോഗ്യ പ്രശ്‌നങ്ങളുംമൂലം ദുരിതമനുഭവിക്കുന്ന ഈ വിഭാഗത്തോടു കാണിക്കുന്ന അവഗണന അങ്ങേയറ്റം ക്രൂരതയാണ്. വരുന്ന ലോക്സഭാ തെരഞ്ഞെടുപ്പില്‍ ഇലക്‌ഷൻ ബഹിഷ്‌കരണമുള്‍പ്പെടെയുള്ള സമരപരിപാടികള്‍ സംഘടിപ്പിക്കുവാനും യോഗം തീരുമാനിച്ചു. 

യോഗത്തില്‍ പ്രസിഡന്‍റ് ജോസഫ് തെള്ളി അധ്യക്ഷത വഹിച്ചു. 

സഖറിയാസ് തുടിപ്പാറ, പി.എസ്. മുഹമ്മദ്, ജോസഫ് വേണ്ടാനം, ജോർജുകുട്ടി തുരുത്തി, ബാലാജി എള്ളൂക്കു ന്നേല്‍ തുടങ്ങിയവർ പ്രസംഗിച്ചു.