കുന്ദലഹള്ളി കേരളസമാജം വനിതാ വിഭാഗം വനിതാദിനാഘോഷം സംഘടിപ്പിച്ചു

ബെംഗളൂരു : കുന്ദലഹള്ളി കേരളസമാജം വനിതാവിഭാഗമായ സുരഭി അന്താരാഷ്ട്ര വനിതാദിനാഘോഷം നടത്തി.

എഴുത്തുകാരി ലഫ്. കേണൽ സോണിയ ചെറിയാൻ, വി.എഫ്.എക്സ്. സാങ്കേതിക വിദഗ്ധയും ചിത്രകാരിയുമായ കെ.എസ്. സിന എന്നിവർ മുഖ്യാതിഥികളായി. സമാജം വൈസ് പ്രസിഡന്റ് എൻ.കെ. ശാന്ത അധ്യക്ഷതവഹിച്ചു.

കന്നഡഭാഷാ ക്ലാസിൽ പങ്കെടുത്ത് വിജയിച്ചവരേയും മലയാളംമിഷൻ കർണാടകചാപ്റ്റർ നടത്തിയ ഏകാഭിനയമത്സരത്തിൽ പങ്കെടുത്ത് സമ്മാനംനേടിയ ധ്വനി വിനോദിനേയും അഭിനന്ദിച്ചു. 

അംഗങ്ങളുടെ വിവിധ കലാപരിപാടികളും നടന്നു. കെ. രേഷ്മ, അഞ്ജു ചന്ദ്രൻ എന്നിവർ സംസാരിച്ചു.