ലണ്ടൻ നഗരത്തിൽ 13 കാരൻ വെട്ടേറ്റു മരിച്ചു. രണ്ട് പോലീസ് ഉദ്യോഗസ്ഥർ ഉൾപ്പെടെ നാലുപേർക്ക് ഗുരുതര പരിക്ക്

മഞ്ചസ്റ്റർ: ലണ്ടനിൽ രണ്ടു പൊലീസുകാരെ ഉൾപ്പെടെ വാളുകൊണ്ട് വെട്ടി പരുക്കേൽപ്പിച്ച അക്രമി അറസ്റ്റിൽ.

ലണ്ടന്റെ കിഴക്ക് ഹൈനോൾട്ടിൽ രാവിലെ ഏഴു മണിക്കാണ് ആക്രമണം നടന്നത്. വാഹനം ഒരു വീട്ടിലേക്ക് ഇടിച്ചുകയറ്റിയ അക്രമി സമീപത്തുണ്ടായിരുന്നവരെ വെട്ടി പരുക്കേൽപ്പിക്കുകയായിരുന്നു എന്ന് മെട്രോപൊളിറ്റൻ പൊലീസ് വ്യക്തമാക്കി. 

ആക്രമണത്തിൽ 13 വയസ്സുള്ള ആൺകുട്ടി കൊല്ലപ്പെടുകയും നാല് പേർക്ക് പരിക്കേൽക്കുകയും ചെയ്തു. 36 കാരനായ യുവാവിനെ അറസ്റ്റ് ചെയ്തു.

പരിക്കേറ്റവരിൽ രണ്ട് പേർ ആശുപത്രിയിൽ തുടരുന്നുണ്ടെങ്കിലും അവരുടെ പരിക്കുകൾ ജീവന് ഭീഷണിയാണെന്ന് കരുതുന്നില്ലെന്ന് പോലീസ് പറഞ്ഞു. 

ഗുരുതരമായി കുത്തേറ്റ രണ്ട് പോലീസ് ഉദ്യോഗസ്ഥരും ആശുപത്രിയിലാണ്. സംഭവത്തിന് തീവ്രവാദ ബന്ധമുള്ളതായി കരുതുന്നില്ലെന്ന് ഡപ്യൂട്ടി അസിസ്റ്റ‌ന്റ് കമ്മീഷണർ പറഞ്ഞു.