പാലാ ജിയോവാലി (എലിവാലി) സ്വദേശി അബു ജോണി (30) ദുബായിൽ മരണപെട്ടു.

പാല: പെട്ടന്ന് ഉണ്ടായ രോഗത്തെ തുടർന്ന് പ്രവാസി മലയാളിയും പാലാ ജിയോവാലി സ്വദേശിയുമായ (എലിവാലി) യുവാവ് ദുബായിൽ മരണപെട്ടു.

ജിയോവാലി മൂക്കൻ തോട്ടത്തിൽ ജോണി മൈക്കിളിന്റെ മകൻ അബു ജോണി (30) ആണ്‌ മരണപ്പെട്ടത്. 

പനിയെ തുടർന്ന് ദുബായിലെ താമസ സ്ഥലത്ത് നിന്നും അബുവിനെ സഹപ്രവർത്തകർ ആശുപത്രിയിൽ എത്തിച്ചിരുന്നെങ്കിലും മരണം സംഭവിക്കുകയായിരുന്നു. 

പാലായിലെ ആദ്യകാല മുതിർന്ന അധ്യാപകരിൽ ഒരാളായ മൂക്കൻ തോട്ടത്തിൽ മൈക്കിൾ സാറിന്റെ ചെറുമകനാണ് അബു. സഹോദരങ്ങൾ: അഞ്ചു ജോണി. ആനന്ദ് ജോണി.

മൃതദേഹം നാട്ടിലെത്തിക്കാനുള്ള നടപടികൾ പൂർത്തിയാക്കി വരുന്നതായി ബന്ധുക്കൾ അറിയിച്ചു. സംസ്കാരം പിന്നീട്.