പത്തനംതിട്ടയിൽ വിജയം സുനിശ്ചിതമെന്ന് അനിൽ ആന്റണി..' വോട്ട് വർദ്ധനവ് മാത്രം ലക്ഷ്യമിട്ട് മത്സരിച്ച കാലത്തെ പിന്നിലാക്കി വിജയിക്കാൻ മത്സരിച്ച് കേരള ബിജെപി ഘടകം.

പത്തനംതിട്ട: പത്തനംതിട്ടയിൽ  വിജയിക്കുമെന്ന ആത്മവിശ്വാസം പങ്കുവച്ച് എൻഡിഎ സ്ഥാനാർ‌ത്ഥി അനിൽ ആന്റണി.

നല്ല ഭൂരിപക്ഷത്തോടെ താൻ വിജയിക്കും. ആൻ്റോ ആൻ്റണിക്കെതിരെ വലിയ ജനവികാരം ഉണ്ടായിരുന്നുവെന്നും  ജനങ്ങൾ മാറ്റം വേണമെന്ന് ആഗ്രഹിച്ചുവെന്നും അനിൽ ആന്റെണി പറഞ്ഞു.  

 എൻഡിഎ പ്രവർത്തകരിൽ നിന്ന് ഇതുപോലെ ഒരു സഹകരണം താൻ പ്രതീക്ഷിച്ചിരുന്നില്ലെന്നും അനിൽ ആന്റണി പറഞ്ഞു.ആൻ്റോ ആൻ്റണി വികസനത്തെക്കുറിച്ച് ഒന്നും മിണ്ടിയില്ല.

ഇവിഎം, കള്ളവോട്ട്, താമര ചിഹ്നം എന്നിവയെ പറ്റി മാത്രമാണ് ആന്റോ ആൻറണി പറഞ്ഞത്. ആന്റോ ആൻറണിയുടേത് ബാലിശമായ ആരോപണങ്ങളാണ്.

ആൻ്റോ ആന്റണി പരാജയം സമ്മതിച്ച് കഴിഞ്ഞു. സാധാരണ തെരഞ്ഞെടുപ്പ് തോൽക്കുമ്പോഴാണ് ഇവിഎമ്മിനെപ്പറ്റി കുറ്റം പറയുകയെന്നും അനിൽ പറഞ്ഞു.