ജയിൽ ശിക്ഷയിൽ ഇളവ് നേടാനായി മാതൃത്വത്തെ ആയുധമാക്കി ചൈനീസ് യുവതികൾ.

ചൈന  : ജയിൽ ശിക്ഷയിൽ ഇളവ് നേടാനായി മാതൃത്വത്തെ ആയുധമാക്കി ചൈനീസ് യുവതികൾ. വിവിധ വസ്ത്ര മോഷണ കേസുകളിൽ പ്രതികളായ സിയാവോ ക്വിഗും, ഷു ഷുവുമാണ് തങ്ങൾ ഗർഭിണിയാണെന്നും കുട്ടികൾക്ക് മുലയൂട്ടണമെന്നുമുള്ള കാരണങ്ങൾ പറഞ്ഞ് പലതവണ ജയിലിൽ നിന്നും രക്ഷപെട്ടത്. 

ഗർഭിണികളെയും മുലയൂട്ടുന്ന അമ്മമാരെയും കുറ്റകൃത്യങ്ങൾക്കുള്ള തടവ് ശിക്ഷയിൽ നിന്നും ഒഴിവാക്കാമെന്ന ചൈനീസ് നിയമത്തെ ദുരുപയോഗം ചെയ്യുകയാണ് സ്ത്രീകൾ എന്നാണ് ആരോപണം. 

കഴിഞ്ഞ രണ്ട് വർഷത്തിനിടെ ഏകദേശം 32,858 രൂപയുടെ വസ്ത്രങ്ങൾ പല കടകളിൽ നിന്നു മോഷ്ടിച്ച കേസിൽ പ്രതികളാണ് സിയാവോ ക്വിഗും, ഷു ഷുവും. പിടിയിലായ സിയാവോയ്ക്ക് ഒരു വർഷവും ഷു ഷു വിന് എട്ട് മാസവുമായിരുന്നു തടവ് ശിക്ഷ.