പാലായിൽ 4 മാസം മാത്രം പ്രായമുള്ള ചോരകുഞ്ഞിന് ദാരുണാന്ത്യം..ചികിത്സാ പിഴവ് ആരോപിച്ച് കുടുംബം

പാലാ;പാലായിൽ 4 മാത്രം പ്രായമുള്ള കുഞ്ഞിന് രോഗ ബാധയെത്തുടർന്ന് ദാരുണാന്ത്യം.

പാലാ രാമപുരത്ത് തിരുവോണം ലക്കിസെന്റർ നടത്തുന്ന നീറന്താനം സ്വദേശികളായ മുകേഷ്,ഗീതു എന്നിവരുടെ 4 മാസം മാത്രം പ്രായമുള്ള (അക്ഷര) പെണ്കുഞാണ് മരണപ്പെട്ടത്.

കടുത്ത പനിയും ശ്വാസ തടസവും അനുഭവപ്പെട്ട കുഞ്ഞിനെ കഴിഞ്ഞ ദിവസം രാത്രി 11 മണിയോടെ പാലായിലെ സ്വകാര്യ ആശുപത്രിയിൽ എത്തിക്കുകയും എന്നാൽ കുഞ്ഞിന് ആവശ്യമായ ചികിത്സ നൽകാതെ പിറ്റേന്ന് രാവിലെ എത്താൻ ആശുപത്രി അധികൃതർ നിർദ്ദേശിച്ചതായും..

തുടർന്ന് ആരോഗ്യ നില വഷളായ കുഞ്ഞിനെ ഇന്ന് രാവിലെ 7.30 ഓടെ ആശുപത്രിയിൽ എത്തിക്കുകയും എന്നാൽ 15 മിനുട്ടോളം ആശുപത്രി അധികൃതർ ചികിത്സ വൈകിപ്പിച്ചതായും കുടുംബാംഗങ്ങൾ പറഞ്ഞു.

ആശുപത്രിയിൽ എത്തിക്കുമ്പോൾ ഹാർട്ട് ബീറ്റ്‌സ് ഉണ്ടായിരുന്ന കുഞ്ഞിന് ചികിത്സ വൈകിയതാണ് മരണകാരണം എന്ന് കുടുംബം ആരോപിക്കുന്നു. 

കുഞിന്റെ മരണത്തെത്തുടർന്ന് ആശുപത്രിയിൽ നേരിയതോതിൽ സംഘർഷം ഉണ്ടായെങ്കിലും പോലീസ് സ്ഥലത്തെത്തി സ്ഥിതിഗതികൾ ശാന്തമാക്കി.

നിലവിൽ മൃതദേഹം കോട്ടയം മെഡിക്കൽ കോളേജിൽ പോസ്റ്റ്മോർട്ടം ചെയ്തുകൊണ്ടിരിക്കുന്നതായും തുടർ നടപടികൾ ഉണ്ടാകുമെന്നും കുടുംബാംഗങ്ങൾ പറഞ്ഞു.