ഡല്‍ഹിയിലെ തിരക്കേറിയ മാര്‍ക്കറ്റിലൂടെ മദ്യലഹരിയില്‍ അമിത വേഗതയില്‍ കാറോടിച്ച്‌ യുവാവ്; ഒരുമരണം, 15 പേര്‍ക്ക് പരിക്ക്,

ന്യുഡല്‍ഹി: ഈസ്റ്റ് ഡല്‍ഹിയിലെ ഗാസിയപുരില്‍ ബുധനാഴ്ച രാത്രി തിരക്കേറിയ മാര്‍ക്കറ്റില്‍ അമിത വേഗതയില്‍ പാഞ്ഞ ടാക്‌സി കാര്‍ ഇടിച്ച്‌ ഒരാള്‍ മരിച്ചു.

15 പേര്‍ക്ക് പരിക്കേറ്റു. കാര്‍ ഡ്രൈവര്‍ മദ്യലഹരിയില്‍ ആണെന്ന് സംശയിക്കുന്നു. ജനക്കൂട്ടം ഇയാളെ പിടികൂടി പോലീസിന് കൈമാറി. 

സീതാദേവി എന്ന 2 കാരിയാണ് മരിച്ചത്. ഗാസിയാബാദ് സ്വദേശിനിയാണ് ഇവര്‍. ഗാസിപുരിലെ ബുദ്ധ ബസാറിലാണ് അപകടമുണ്ടായത്.

പരിക്കേറ്റവരില്‍ ഏഴ് പേരുടെ നില ഗുരുതരമാണ്. ഇവരെ ലാല്‍ ബഹാദൂര്‍ ശാസ്ത്രി ആശുപത്രിയില്‍ പ്രവേശിപ്പിച്ചു. മയൂര്‍ വിഹാര്‍ ഫേസ് 3ലേക്ക് പോയ കാര്‍ ആണ് അപകടമുണ്ടായത്.