കൊച്ചിയില്‍ ഗൃഹോപകരണ ഗോഡൗണില്‍ വന്‍ തീപിടിത്തം,

കൊച്ചി: കലൂര്‍ കറുകപ്പള്ളിയില്‍ ഗൃഹോപകരണ ഗോഡൗണില്‍ വന്‍ തീപിടിത്തം. നാലുനില കെട്ടിടത്തില്‍ പ്രവര്‍ത്തിച്ചിരുന്ന ഗോഡൗണിലാണ് തീ പിടിത്തമുണ്ടായത്. കെട്ടിടത്തിന്റെ ഏറ്റവും മുകളിലത്തെ നിലയിലാണ് തീപടര്‍ന്നത്.

ഹാര്‍ഡ് ബോര്‍ഡ് സാധനങ്ങളാണ് ഇവിടെ സൂക്ഷിച്ചിരിക്കുന്നത്. പഴയ ഗൃഹോപകരണങ്ങളാണ് താഴത്തെ നിലകളില്‍ സൂക്ഷിച്ചിട്ടുള്ളത്. തീപിടുത്തമുണ്ടായ ഗോഡൗണിന് തൊട്ടടുത്ത് ഗ്യാസ് ഗോഡൗണും പ്രവര്‍ത്തിക്കുന്നുണ്ട്.

തീ നിയന്ത്രണവിധേയമാക്കിയതിനാല്‍ വലിയ അപകടം ഒഴിവായി. അഞ്ച് യൂണിറ്റ് ഫയര്‍ ഫോഴ്സ് എത്തിയാണ് തീയണച്ചത്.