ഡല്‍ഹിയില്‍ റോഡില്‍ നമസ്‌കാരം നടത്തിയാളെ തൊഴിച്ച സംഭവം; അപലപിച്ച്‌ ഡല്‍ഹി പോലീസ്.

ഡല്‍ഹി: ഡല്‍ഹിയിലെ ഇന്ദര്‍ലോകില്‍ പൊതുറോഡില്‍ നമസ്‌കാരം നടത്തിയവരില്‍ ഒരാളെ തൊഴിക്കുന്ന ഡല്‍ഹി പോലീസ് ഓഫീസറുടെ നടപടി വിവാദമാകുന്നു.

ചിത്രം വ്യാപകമായി പ്രചരിച്ചതോടെ ഡല്‍ഹി പോലീസ് വിശദീകരണവുമായി എത്തി. സംഭവത്തില്‍ അപലപിച്ച പോലീസ് കുറ്റക്കാരായ ഉേദ്യാഗസ്ഥര്‍ക്കെതിരെ കര്‍ശന നടപടിയുണ്ടാകുമെന്നും വ്യക്തമാക്കി. 

സംഭവത്തില്‍ ഖേദം പ്രകടിപ്പിച്ച പോലീസ്, ജനങ്ങള്‍ മതസൗഹാര്‍ദ്ദം പാലിക്കണമെന്നും നോര്‍ത്ത് ഈസ്റ്റ് ഡല്‍ഹി ഡിസിപി X ലൂടെ അഭ്യര്‍ത്ഥിച്ചു. 

നമസ്‌കാരം നടത്തിയവരില്‍ ഒരാളെ പോലീസ് തൊഴിക്കുന്ന ദൃശ്യം ഈ ആഴ്ച ആദ്യമാണ് പുറത്തുവന്നത്. പ്രദേശവാസികളുമായി മനഃപൂര്‍വ്വം പ്രശ്‌നമുണ്ടാക്കാനാണ് പോലീസ് ശ്രമിക്കുന്നതെന്ന് വിമര്‍ശനം ഉയര്‍ന്നിരുന്നു.